Кыргыз Республикасынын укук коргоо жана сот системасы туш болуп жаткан негизги көйгөйлөрдүн бири — кылмыш жолу менен алынган мүлктү эффективдүү тартып алуу мүмкүн эместиги бойдон калууда, айрыкча кылмыш иши айыптоо өкүмү менен аяктабаган учурларда. Айыпталуучу жашырынып кеткенде, каза болгондо же иш реабилитацияланууга жатпаган негиздер менен кыскартылган учурда мамлекет мыйзамсыз жол менен алынган активдерди кайтарып алуу мүмкүнчүлүгүн жоготот, ал эми кылмышкерлер жана алардын чөйрөсү бул ресурстарды тоскоолдуксуз пайдаланууну уланта берет.
Ушуга байланыштуу сунушталып жаткан мыйзам долбоорунун максаты — Кыргыз Республикасынын Жазык-процесстик кодексине жаңы укуктук механизмди — өкүм чыгарылууга чейин мыйзамсыз жол менен алынган мүлктү конфискациялоо өндүрү…
