Ушул Мыйзам долбоору “Кыргыз Республикасынын эркектер менен аялдар үчүн бирдей укуктар менен бирдей мүмкүнчүлүктөрдүн мамлекеттик кепилдиктери жөнүндө” Мыйзамын Кыргыз Республикасынын 2021-жылдагы Конституциясына ылайык келтирүү, ошондой эле эркектер менен аялдар үчүн бирдей укуктар менен бирдей мүмкүнчүлүктөрдү камсыздоо боюнча мамлекеттик кепилдиктердин кыйла натыйжалуу тутумун жаратуу үчүн орун алган мүчүлүштүктөрдү четтетүү максатында иштелип чыккан. Аны иштеп чыгууга Кыргыз Республикасынын Президентинин 2021-жылдын 8-февралындагы № 26 “Кыргыз Республикасынын мыйзамдарына инвентаризация жүргүзүү жөнүндө” Жарлыгы негиз болуп берди, ага ылайык, Өкмөткө 2021-жылдын 31-декабрына чейинки мөөнөттө Кыргыз Республикасынын бардык кабыл алынган мыйзамдарынын Конституцияга, социалдык адилеттүүлүк жана өнөктөштүк принциптерине шайкештигин, зарылдыгын, максатка ылайыктуулугун жана натыйжалуулугун, предметин жөнгө салуунун жетиштүүлүгүн аныктоого, укук жаатындагы ички карама-каршылыктар менен коллизияларды, боштуктарды жоюуга багытталган толук кандуу инвентаризация жүргүзүү, анын натыйжасында аныкталган дал келбөөчүлүктөрдү четтетүүгө багытталган сунуштарды берүү сунушталган.
Баалоонун жыйынтыгы боюнча “Кыргыз Республикасынын эркектер менен аялдардын бирдей укуктарынын жана бирдей мүмкүнчүлүктөрүнүн мамлекеттик кепилдиктери жөнүндө” Мыйзамы инвентаризациялоо процессинин алкагында 98,5 упай ал…
