КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2018-жылдын 23-майы № 250

Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө

 

Кыргыз Республикасынын Өкмөтүнүн айрым чечимдерин "Кыргыз Республикасынын дипломатиялык кызматы жөнүндө" Кыргыз Республикасынын Мыйзамынын 30-беренесине шайкеш келтирүү максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. (КР Өкмөтүнүн 2018-жылдын 31-декабрындагы № 654 токтомуна ылайык күчүн жоготту)

2. Кыргыз Республикасынын Өкмөтүнүн 2000-жылдын 9-ноябрындагы № 659 "Кыргыз Республикасынын ардактуу консулу жөнүндө жобону бекитүү тууралуу" токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген Кыргыз Республикасынын ардактуу консулу жөнүндө жободо:

- IX главасынын аталышы төмөнкүдөй редакцияда баяндалсын:

"IX глава Консулдук кызмат көрсөтүүлөр үчүн алынуучу каражаттар";

- 9.1-пунктунда:

биринчи абзацындагы "консулдук жыйымдарынын тарифине ылайык консулдук жыйымдарды" деген сөздөр "Консулдук кызмат көрсөтүүлөр үчүн алынуучу каражаттардын тарифине ылайык каражаттарды" деген сөздөр менен алмаштырылсын;

экинчи абзацындагы "Консулдук жыйымдар" деген сөздөр "Консулдук кызмат көрсөтүүлөр үчүн алынуучу каражаттар" деген сөздөр менен алмаштырылсын;

- 9.2-пункту күчүн жоготту деп таанылсын;

- 9.3-пунктунда:

биринчи абзацындагы "Консулдук жыйымдарды жана чыныгы чыгымдардын ордун толтурууга байланышкан жыйымдарды" деген сөздөр "Консулдук кызмат көрсөтүүлөр үчүн алынуучу каражаттарды" деген сөздөр менен алмаштырылсын;

экинчи абзацындагы "жыйымды" деген сөз "каражаттарды" деген сөз менен алмаштырылсын;

- 9.4-пунктундагы "консулдук жыйымдар иретинде жана чыныгы чыгымдардын ордун толтурууга байланыштуу алган акча каражаттары" деген сөздөр "консулдук кызмат көрсөтүүлөр үчүн алынуучу каражаттар" деген сөздөр менен алмаштырылсын;