САРЫ-БУЛАК АЙЫЛ АЙМАГЫНЫН АЙЫЛДЫК КЕҢЕШИ

ТОКТОМ

Депутаттардын VI чакырылышынын Сары-Булак айыл аймагынын айылдык кеңешинин кезексиз ХХХV сессиясы

2021-жылдын 19-марты № 35/191

Айылдын «Ардактуу атуул» наамын берүү жөнүндө

Кыргыз Республикасынын «Жергиликтүү өз алдынча башкаруу жөнүндө» мыйзамынын 37-беренесине, Сары-Булак айыл аймагынын жергиликтүү жамаатынын Уставынын 10-бөлүмүнүн 10,1 бөлүкчөсүнө жана Сары-Булак айыл аймагынын айылдык кеңешинин регламентинин 11-бөлүгүнүн 11,5 бөлүкчөсүнө ылайык айылдын «Ардактуу атуул» наамын берүү жөнүндө Сары-Булак айыл аймагынын айылдык кеңешинин төрагасы Т. Жумамүдүн уулунун маалыматын угуп жана талкуулап Сары-Булак айыл аймагынын айылдык кеңеши токтом кылат:

1. Сары-Булак айыл аймагынын жергиликтүү жамааттын Устаынын талаптарын үлгүлүү аткарган, коомдук пайдалануу эмгекке активдүү катышкан, кайрымдуулук акцияларына, демөөрчүлүккө такай көмөктөшкөн, жамааттыштыкка өтө пайдалуу ар кандай кызматын көрсөткөн, өзүнүн жана бүтүндөй үй-бүлөөсүнүн жүрүм-туруму боюнча эң жогорку үлгү көрсөткөн жамааттын мүчөсү болгон төмөндөгү адамга айылдын «Ардактуу атуул» наамы ыйгарылсын.

1. Шадыбаев Замирбек Маратович

2. Сары-Булак айыл аймагынын «Ардактуу атуул» наамына көрсөтүлүп жаткан атуулдун күбөлүгүн алып берүү жагы Сары-Булак айыл аймагынын айыл өкмөтүнүн башчысы Э. Макишовго тапшырылсын.