ТОГОЛОК МОЛДО АЙЫЛДЫК КЕӉЕШИ

ТОКТОМ

2021-жылдын 19-апрели № 1

Тоголок-Молдо айыл аймагынын айыл өкмөтүндө жазгы айдап-себүү, айыл чарба техникаларанын тарифтерин жана айып пулдар, мал багуунун акысын, мал башына жайыт акыны, көчүп-конуу, кайра көчүп келүү боюнча айып пулдарды белгилөө жөнүндө

    Тоголок-Молдо айыл аймагынын айыл өкмөтүнүн тургундары менен 01.04.2021-жылда өткөрүлгөн жыйындын №4 протоколунун негизинде Тоголок-Молдо айыл аймагынын айыл өкмөтүнүн сунушун карап жана маалыматын угуп жана талкуулап Тоголок-Молдо айылаймагынын айылдык кеңешинин кезексиз XXI-сессиясы :

ТОКТОМ КЫЛАТ:

1.    Жазгы талаачылык жумуштарына техникалардын кызмат көрсөтүү акысы төмөндөгүдөй белгиленсин жана бекитилсин:

1,0 га жер аянты үчүн:

-         Жер айдоо- 1000 сом, 30 литр май

-         Мала тартуу-500 сом, 10 литр май

-         Себүү-600 сом, 10 литр май

-         Шакап тартуу-5 литр май

-         Жатка (чөп чабуу) -900 сом

-         Комбайндын акысы - 1800 сом, тартуунун  майы аралыкка жараша, рейси 400 сом

-         Пресс подборщик- бир түк чөп-7 сом, тартуу-400 сом.

Кызмат акынын өлчөмүн сактабаган учурда механизаторлорго биринчи эскертүү менен 1000 сом айып пул салынсын.

2.    Мал багуунун акысы ар бир мал башына  төмөндөгүдөй белгиленсин жана бекитилсин:

-Бодо малга—260 сом

-Майда жандык (кой, эчки)- 47 сом

-Бодо малдын  250 сому бадачыга, 10 –сому жайыт акы үчүн бадачы ЖПБ не төлөсүн.

-Майда жандыктардын (кой,эчки) 47-сомдун 45-сому бадачыга, 2-сому жайыт акы үчүн бадачы ЖПБне төлөсүн.

Эскертүү: Ар бир малга жайыт акыны бадачылар төгүшөт.

3.    Көчүп-конуу убактысы:

-2021-жылдын 20-апрелинен тартып  бадачылардын көчүүсү жана корук уюштурулсун . Кайра 2021-жылдын 1-октябрына чейин мал айдап келишпесин. Эгерде койгон талаптарды аткарбаса, көрсөтүлгөн мөөнөттөн эрте түшүп келсе чабандар үчүн 5000 сом, ар бир бодо мал үчүн-1000 сом, майда жандык мал үчүн-500 сом айып пул салынсын.

    4.   Малдарды ветеринардык справкасы жок бада чогулткан бадачыларга Ветеринардык инспекторлор тарабынан чара көрүлөөрү эскертилсин;

    5.  Талаага тай (бош) ээрчиткендерге, малын бош кое бергендерге бодо мал башына 1000 сом, жандык башына 300 сом,уй кесүүнү атайын кайтарбай койгон жарандарга 2000 сом айып салынсын;

    6.  Токтомдун аткарылышын көзөмөлдөө жагы  Тоголок-Молдо айыл аймагынын айыл өкмөт башчысы: Жолочу уулу Нурсултанга  милдеттендирилсин.