КЫЗЫЛ-КЫЯ ШААРДЫК КЕӉЕШИ

ТОКТОМ

Кызыл-Кыя шаардык кеңешинин (VII чакырылышы) 7 сессиясы

2021-жылдын 22- декабры № 7/16

Кызыл–Кыя шаарынын 2021–жылга кабыл алынган жергиликтүү бюджетинин 2021–жылдын 9 айынын жыйынтыгы менен аткарылышы жөнүндө

            «Жергиликтүү мамлекеттик администрация жана жергиликтүү өз алдынча башкаруу органдары жөнүндө» Кыргыз Республикасынын 2021-жылды 20-октябрындагы №123 Мыйзамынын 34-беренесине негиз, Кызыл-Кыя шаарынын 2021–жылга кабыл алынган жергиликтүү бюджетинин 2021–жылдын 9 айынын жыйынтыгы менен аткарылышы жөнүндөгү маселе шаардык кеңештин Бюджет, финансы, экономика жана инвестицияны тартуу маселелери боюнча туруктуу комиссиясында каралгандыгын, туруктуу комиссиясынын 2021–жылдын 03–декабрындагы №9 протоколунун чечимин  эске алып, Кызыл-Кыя шаардык кеңешинин сессиясы

ТОКТОМ КЫЛАТ:

1.    Кызыл-Кыя шаардык кеңешинин сессиясында 2021-жылга бюджетинин кирешелери жана чыгашалары боюнча контролдук суммасы  132159,3 миң сом өлчөмүндө бекитилген. Ал эми Кызыл-Кыя шаарынын 2021-жылга кабыл алынган жергиликтүү бюджетинин 2021–жылдын 9 айынын жыйынтыгы менен киреше бөлүгүнүн аткарылышы  116723,3 миң сом, чыгаша бөлүгү 76067,2 миң сом өлчөмүндө аткарылгандыгы бекитилсин (тиркемелер тиркелет).

2.    Ушул токтомдун аткарылышын көзөмөлгө алуу жагы Кызыл-Кыя шаардык кеңешинин Бюджет, финансы, экономика жана инвестицияны тартуу маселелери боюнча туруктуу комиссиясына тапшырылсын.