КӨК-АРТ АЙЫЛДЫК КЕҢЕШИ

ТОКТОМ

Көк-Арт айылдык кеңешинин VI-чакырылышынын кезектеги XXVII -сессиясы

2021-жылдын 6-сентябры № 3

Көк-Арт айыл өкмөтүнүн аймагындагы аты жок көчөлөргө ат кою жөнүндө

Кыргыз Республикасынын “Жергиликтүү өз алдынча башкаруу жөнүндө” мыйзамына ылайык, Жерге-Тал айылынын тургуну Назиров Маматкабылдан түшкөн арызынын негизинде,Көк-Арт айылдык кеңешинин депутаттарынын Укук жана мыйзамдуулук комитетинин отурумунун токтомун эске алып,угуп жана талкуулап Көк-Арт айылдык кеңешинин VI-чакырылышынын кезектеги XXVII-сессиясы токтом кылат:

1. Көк-Арт айыл өкмөтүнө караштуу Жалгыз-Жаңгак айылындагы эски биринчи МТФ тараптагы Ташимбетов көчөсүнүн кесилишиндеги көчөдөн М.Куваков көчөсүнүн кесилишине чейинки көчөгө Назиров Мурзабектин аты коюлсун.

2. Аталган токтом Көк-Арт айыл өкмөтүнүн kugart.my1.ru расмий сайтына жарыяланган күндөн баштап күчүнө кирет.

3. Аталган токтомду расмий жарыялоо жана Кыргыз Республикасынын ченемдик укуктук актыларынын мамлекеттик реестирине киргизүү жагы Көк-Арт айылдык кеңешинин жоопту катчысы Г.А.Акпаралиевага милдеттендирилсин.

4. Бул токтомдун аткарылышын көзөмөлдөө жагын өзүмө калтырамын.