ЧОҢ-САРЫ-ОЙ АЙЫЛДЫК КЕҢЕШИ

ТОКТОМ

Эл депутаттарынын Чоң-Сары-Ой айылдык кеңешинин XXVII чакырылышынын кезектеги XXVI сессиясы

2020-жылдын 30-январы № 160

2020-жылдын үчтүн айынын 1ине карата Чоң-Сары-Ой айыл Аймагынын жергиликтүү бюджетинин калдык акча- каражаттары жөнүндө

Кыргыз Республикасынын «Жергиликтүү өз алдынча башкаруу жөнүндө» Мыйзамынын 31-беренесинин 2-бөлүмүнүн 2-пунктун жана Чоң-Сары-Ой айыл Аймагынын 2020-жылдын үчтүн айынын 1ине карата жергиликтүү бюджетинин калдык акча-каражаттын чыгымдарга бөлүп берүү маселесин карап, талкуулап чыгып Чоң-Сары-Ой айылдык кеңеши токтом кылат:

1. 2020-жылдын үчтүн айынын 1ине карата жергиликтүү бюджеттин киреше бөлүгүндөгү 9106,1 миң сом өлчөмүндөгү калдык акча-каражаттарынын эсебинен жыл ичинде төмөндөгүдөй чыгымдарга бөлүнүп берилсин:

- А.Түмөнбаев орто мектебинин тегерегин тосуу-248,0 миң сом;

- Бает айылындагы бала бакчага саркынды суу топтоочу жай куруу-899,4 миң сом;

-Сары-Ой айылына караштуу Жайыл көчөсүнө түнкүсүн жарык берүүчү фонарларды орнотуу -235,2 миң сом;

- Трансформатор алуу үчүн - 430,0 миң сом:

- Таза суу насосун сатып алуу үчүн -138,9 миң сом;

- Өрнөк айылындагы жаңы конуштарга электр линиясын тартуу учүн -900,0 миң сом;

- Орто мектептерге даараткана куруудагы калдык карызы -50,5 миң сом;

- Аппарат кызматкерлерине 2 айлык сыйлык акы, соц. фонду менен -734,0 миң сом;

- Коммуналдык чарба кызматкерлеринин айлык маянасы үчүн -225,9 миң сом;

- Айыл Өкмөтүнүн имаратынын чатырын алмаштыруу -300,0 миң сом;

- Өрнөк орто мектеби, Бает. Чоң-Сары-Ой айылындагы бала бакчаларга видеокөзөмөл орнотуу 500,0 миң сом;

- Сары-Ой айылындагы спорттук залды кеңейтүүдө кошумча курулуш иштерин жүргүзүү үчүн 500,0 миң сом;

- Айылдарда соода сатык кылуу үчүн базарларды орнотууга -1347,0 миң сом;

- Таштанды салынуучу бактарды жасатуу -50,0 миң;

- УАМ согуштун катышуучуларына арналган эстеликти көрктөндүрүү -194,2 миң сом;

- Лизинг аркылуу айыл чарба техникасын алуудагы баштапкы төлөмү -2040,0 миң сом;

- Айыл чарба техникасын камсыздандырууга -113,0 миң сом;

- Айланма каражаттын жүгүрүмдүүлүгү үчүн кассага -200,0 миң сом.

2. Токтом массалык- маалымат каражаттарына жарыялансын жана Мамлекеттик-укуктук актылар реестрине киргизүү үчүн Облустук юстиция башкармалыгына жиберилсин.

3. Токтомдун аткарылышы Чоң-Сары-Ой айыл Өкмөтүнүн башчысы М.Сарбагышевге жана ФЭБнун башчысы Ж. Учкемпировага милдеттендирилсин.

4. Токтомду көзөмөлгө алуу жагы Чоң-Сары-Ой айылдык кеңешинин «Бюджет, финансы, экономика, инвестиция тартуу жана орто чакан бизнести өнүктүрүү боюнча» туруктуу комиссиясына тапшырылсын.