КЕТМЕН-ДӨБӨ АЙЫЛДЫК КЕҢЕШИНИН

ТОКТОМУ

Эл депутаттарынын Кетмен – Дөбө айылдык кеңешинин VIII чакырылышынын кезектеги XVI сессиясы

2023-жылдын 30-майы № 16-1

Кетмен-Дөбө айыл аймагында көрктөндүрүү, жашылдандыруу, тазалыкты сактоо боюнча типтүү эрежелерин бекитүү жөнүндө

Кыргыз Республикасынын Президентинин 2022-жылдын 6-сентябрындагы “Улуттук тазалык күнү жана 2023-2025-жылдар мезгилине тиричилик калдыктарын иштетүү боюнча натыйжалуу инфраструктура түзүү боюнча иш-аракеттер планы” жөнүндө Жарлыгын ишке ашыруу максатында Кетмен-Дөбө айыл аймагында көрктөндүрүү, жашылдандыруу, тазалыкты сактоо боюнча типтүү эрежелерди угуп жана талкуулап Кетмен-Дөбө айылдык кеңешинин VIII чакырылышынын кезектеги XVI сессиясы токтом кылат:

1.Кетмен-Дөбө айылдык кеңешинин айыл чарба, жер жана агрардык саясат экология, айлана-чөйрөнү коргоо, спорт, туризм боюнча туруктуу комиссиясынын жана айыл аймакта өтүлгөн фокс топтордун чечимдери эске алынсын.

2.Кетмен-Дөбө айыл аймагында көрктөндүрүү, жашылдандыруу, тазалыкты сактоо боюнча типтүү эрежелери бекитилсин.

3.Бекитилген жобонун негизинде иш алып баруу жагы Кетмен-Дөбө айыл өкмөтүнө жана “Кетмен-Дөбө таза аймак” МИсына милдеттендирилсин. 

4.Бул токтомдун аткарылышын көзөмөлгө алуу жагы Кетмен-Дөбө айылдык кеңешинин айыл чарба, жер жана агрардык саясат экология, айлана-чөйрөнү коргоо, спорт, туризм боюнча туруктуу комиссиясына тапшырылсын.

5.Бул токтом https://ketmen-dobo.kg/ сайтына жарыяланган күндөн тартып мыйзамдуу күчүнө кирет.

6.Токтом мамлекеттик тилде гана кабыл алынды.