КАРА-СУУ АЙЫЛДЫК КЕҢЕШИ

ТОКТОМ

Кара-Суу айыл аймагынын жергиликтүү кеңешинин 18-чакырылышынын 9-кезексиз сессиясы

2022-жылдын 29-декбры  № 9/2

Кара-Суу айыл аймагындагы жергиликтүү маанидеги маселелерди башкаруунун  тартибин бекитүү жөнүндө

Кыргыз Республикасынын «Жергиликтүү мамлекеттик администрация жана жергиликтүү өз алдынча башкаруу жөнүндөгү» Мыйзамынын 34-беренесине ылайык   Кара-Суу айылдык кеңеши 

 

ТОКТОМ КЫЛАТ:

 

1. Кара-Суу айыл аймагындагы жергиликтүү маанидеги маселелерди башкаруунун тартиби 1-тиркемеге ылайык бекитилсин. Тиешелүү иш кагаздарын бир айлык мөөнөттө  талапка ылайык келтирүү жагы айыл өкмөт башчысына милдеттендирилсин.

2. Кара-Суу айыл аймагындагы көрктөндүрүү,жашылдандыруу,тазалыкты сактоо боюнча эрежелери  2-тиркемеге ылайык бекитилсин.

3. Тиешелүү тартипке жана эрежеге ылайык иш алып баруу жагы айыл өкмөтүнө милдеттендирилсин.

 

           БЕКИТИЛДИ

                                                                                                        Кара-Суу айылдык Кеңешинин

                                                                                                       2022-жылдын 29-декабрындагы

                                                                                                       №9/2 токтому менен

                                                                                                       1-тиркеме

Жергиликтүү маанидеги маселелерди башкаруунун тартиби жөнүндө

§1. Жалпы жоболор жана терминдер

 1. Жергиликтүү маанидеги маселелерди башкаруунун тартиби (мындан ары-тартип) жергиликтүү маанидеги маселелерди башкаруунун тартибин бекитүү боюнча жергиликтүү кеңештердин компетенциясын аныктоочу “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Кыргыз Республикасынын Мыйзамынын 27,34-беренелеринин 2-пунктунун 1-бөлүгүнүн талаптарына ылайык иштелип чыккан.

2. Тартип жергиликтүү өз алдынча башкаруу органына өзүнүн компетенциясынын чегинде жергиликтүү маанидеги маселелерди чечүүгө карата талаптарды белгилейт.

3. Бул тартипте төмөнкү терминдер колдонулат:

Жергиликтүү маанидеги маселелер - жергиликтүү өз алдынча башкаруу органдары жана алардын кызмат адамдары тарабынан, ошондой эле жарандардын түздөн-түз эркин билдирүү жолу менен чечилүүчү тиешелүү аймактагы калктын турмуш-тиричилик аракеттерин камсыз кылуу маселелери;

Компетенция - мамлекеттик органдын же жергиликтүү өз алдынча башкаруу органынын юридикалык жактан белгиленген укуктар менен милдеттердин жыйындысы;

Көзөмөл - ыйгарым укуктуу орган тарабынан учурдагы кырдаалдын толуктугуна, аткаруучуга жүктөлгөн тапшырманын аткарылышынын сапатына, белгиленген көрсөткүчтөргө же кабыл алынган стандарттарга ылайык келүүсүнө баа берүү процесси; Мониторинг жана баалоо - башкаруу субъектине башкарылуучу объектке эффективдүү таасир көрсөтүү максатында 2 белгилүү бир объекттин ишине таасир этүүчү маалыматтарды системалуу чогултуу, сактоо, иштетүү, талдоо жана баалоо процесси; Милдеттенме - жергиликтүү өз алдынча башкаруу органынын керектөөчүлөргө (юридикалык же физикалык жактарга) белгилүү бир сумманы кызмат көрсөтүүлөр/товарлар, жумуштар, жөлөкпулдар, компенсациялар жана башка акчалай төлөм түрүндө төлөп берүү же жергиликтүү өз алдынча башкаруу органдарынын материалдыктехникалык камсыздоо маселелерин, келишим милдеттенмелеринин, ченемдик укуктук актыларды аткаруунун алкагында чечүү;

Уюштуруу - жергиликтүү маанидеги жана берилген мамлекеттик ыйгарым укуктардагы маселелерди чечүүдө натыйжаларга жетишүүгө багытталган жергиликтүү өз алдынча башкаруу органынын уюштуруучулук-укуктук, уюштуруу-техникалык чараларынын жана тескөөчүлүк иш-аракеттеринин комплекси;

Ыйгарым укук - мамлекеттик бийлик органдарынын же жергиликтүү өз алдынча башкаруу органдарынын белгилүү бир ишти жүзөгө ашыруу үчүн аларга жүктөлгөн функцияларды аткарууга багытталган Кыргыз Республикасынын мыйзамдарында каралган укугу;