КР 2017-жылдын 13-апрелиндеги № 58 Кодексине ылайык 2019-жылдын 1-январынан тартып КҮЧҮН ЖОГОТТУ

КЫРГЫЗ РЕСПУБЛИКАСЫНЫН МЫЙЗАМЫ

Бишкек шаары, 2004-жылдын 27-июлу № 100

Кыргыз Республикасынын Администрациялык жоопкерчилик жөнүндө кодексине толуктоолор киргизүү тууралу

1-статья.

Кыргыз Республикасынын Администрациялык жоопкерчилик жөнүндө кодексине (Кыргыз Республикасынын Жогорку Кеңешинин Ведомосттору, 1999-жыл, N 2, 77-ст.) төмөнкүдөй толуктоолор киргизилсин:

92-статьяда:

статьянын аталышы "азыктарын" деген сөздөн кийин "жана мамлекеттик стандартка ылайык келбеген тузду" деген сөздөр менен толукталсын;

статья төмөнкү мазмундагы экинчи бөлүк менен толукталсын:

"Кыргыз Республикасынын мамлекеттик стандарттарына ылайык келбеген тамак-аш тузун сатып өткөрүү -

йодоштуруу үчүн продукциясын алып коюу менен эң аз айлык акынын ондон жыйырма өлчөмүнө чейин администрациялык айып салууга алып келет.".

2-статья.

Ушул Мыйзам расмий жарыяланган күндөн тартып күчүнө кирет.