КАШКА-СУУ АЙЫЛДЫК АЙМАГЫНЫН КЕӉЕШИ

ТОКТОМ

Кашка-Суу айылдык аймагынын кеңешинин VII чакырылышынын кезектеги биринчи сессиясы

2023-жылдын 18-январы № 17

Кашка-Суу айыл өкмөтүнө караштуу Ачык-Суу айылындагы “Така” каналын Мамлекеттик Мүлк фондуна өткөрүп берүү жөнүндө

Кашка-Суу айыл өкмөтүнүн башчысы Г.Мадалиевдин Кашка-Суу айыл өкмөтүнө караштуу Ачык-Суу айылындагы 1982-жылы курулган “Така” каналын Мамлекеттик Мүлк фондуна өткөрүп берүү жөнүндөгү сунушун Кашка-Суу айыл аймактык кеңешинин кезектеги отуруму угуп, талкуулап

Кашка-Суу айыл аймактык кеңеши:

Токтом кылат

1.Кашка-Суу айыл аймагына караштуу Ачык-Суу айылындагы 1982-жылы курулган узундугу 3 км 570 м аралыкта жайгашкан “Така” каналы учурда колдонууга мүмкүн болбой калгандыктан Мамлекеттик Мүлк фондуна өткөрүп берүүгө макулдук берилсин.

2.Мамлекеттик Мүлк фондусуна каттатып, Суу ресурстар мамлекеттик мекемесинин карамагына өткөрүп берүү жагы Кашка-Суу айыл өкмөтүнүн башчысы Г.Мадалиевге милдеттендирилсин.

3.Токтомдун аткарылышын көзөмөлдөө  жагы айылдык кеңештин  Жер, турак жай жана жайыт боюнча туруктуу комиссиясына тапшырылсын.