РАЗЗАКОВ ШААРДЫК КЕҢЕШИ

ТОКТОМ

Раззаков шаардык кеңешинин кезектеги XXIII сессиясы (VI чакырылышы)

2023-жылдын 9-июну № 5

Раззаков шаарына караштуу Кара-Таш, Беш-Бала участкаларын Самат аймактык өзүн-өзү башкаруу комитетине кошууга макулдук берүү  жөнүндө

          Раззаков шаарынын мэриясынын Раззаков шаарына караштуу Кара-Таш, Беш-Бала участкаларын Самат аймактык өзүн-өзү башкаруу комитетине кошуу жөнүндөгү сунушун угуп жана талкуулап, Кыргыз Республикасынын «Жергиликтүү мамлекеттик администрация жана жергиликтүү өз алдынча башкаруу органдары жөнүндө» Мыйзамынын 34-беренесине ылайык Раззаков шаардык Кеңешинин VI чакырылышынын кезектеги XXIII сессиясы

ТОКТОМ   КЫЛАТ:

1. Раззаков шаарына караштуу Кара-Таш, Беш-Бала участкаларын Самат аймактык өзүн-өзү башкаруу комитеттине кошууга макулдук берилсин.

2. Тиешелүү иш-кагаздарын  Кыргыз Республикасынын  нормативдик-укуктук актыларына ылайык жүргүзүү жагы Раззаков шаарынын мэриясына жүктөлсүн.

3. Ушул токтом шаардык Кеңештин аппаратында каттоодон өткөрүлүп, Раззаков шаардык Кеңешинин жана мэриясынын www.isfana.kg расмий сайтына жарыялансын жана Кыргыз Республикасынын Ченемдик укуктук актыларынын мамлекеттик реестрине киргизүү үчүн Баткен облусунун юстиция башкармалыгына жөнөтүлсүн.

4. Бул токтомдун аткарылышын көзөмөлдөө жагы Раззаков шаардык Кеңешинин мыйзамдуулук, башкаруу, жаштар, спорт депутаттык этика жана коомдук уюмдар менен иштөө боюнча туруктуу комиссиясына тапшырылсын.