КЫРГЫЗ РЕСПУБЛИКАСЫНЫН ШАЙЛОО ЖАНА РЕФЕРЕНДУМ  ӨТКӨРҮҮ БОЮНЧА БОРБОРДУК КОМИССИЯСЫНЫН

2016 жылдын 9 ноябрындагы № 197 токтомуна ылайык

КҮЧҮН ЖОГОТТУ

деп табылсын

КЫРГЫЗ РЕСПУБЛИКАСЫНЫН ШАЙЛОО ЖАНА РЕФЕРЕНДУМ ӨТКӨРҮҮ БОЮНЧА БОРБОРДУК КОМИССИЯСЫ

ТОКТОМ

2011-жылдын 11-июлу №14

"2011-жылдын 30-октябрында Кыргыз Республикасынын Президентинин шайлоодо эл аралык (чет элдик) байкоочулардын иш-аракеттеринин, статусунун жана ыйгарым укуктарынын тартиби жөнүндө" Жобону бекитүү тууралуу

"Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө" Кыргыз Республикасынын Конституциялык мыйзамынын 10-беренесин, "Кыргыз Республикасынын шайлоо жана референдум өткөрүү боюнча шайлоо комиссиялары жөнүндө" Кыргыз Республикасынын мыйзамынын 7-беренесинин 1-бөлүгүнүн 2, 21-пункттарынын жетекчиликке алып, Кыргыз Республикасынын Президентин шайлоодо эл аралык байкоочулардын ишинин тартибин аныктоо максатында, Кыргыз Республикасынын Шайлоо жана референдум өткөрүү боюнча Борбордук комиссиясы.

ТОКТОМ КЫЛАТ

1"2011-жылдын 30-октябрында Кыргыз Республикасынын Президентин шайлоодо эл аралык (чет элдик) байкоочулардын ишинин тартиби, статусу жана ыйгарым укуктары жөнүндө " Жобо бекитилсин (№ 1 тиркеме).

2. Эл аралык (чет элдик) байкоочуну аккредиттөөгө арыздын үлгүсү бекитилсил (№ 2 тиркеме).

3. Бул токтом Кыргыз Республикасынын Тышкы иштер министлигине жөнөтүлсүн.

3.Бул токтомдун аткарылышын котролдоо Кыргыз Республикасынын Шайлоо жана референдум өткөрүү боюнча Борбордук комиссиясынын орун басары Г.К. Журабаевага жүктөлсүн.