КЫРГЫЗ РЕСПУБЛИКАСЫНЫН МЫЙЗАМЫ

2011-жылдын 19-апрели № 12

Екатеринбург шаарында 2009-жылдын 16-июнунда кол коюлган Шанхай кызматташтык уюмуна мүчө-мамлекеттердин террорго каршы түзүмдөрү үчүн кадрларды даярдоо жөнүндө Макулдашууну ратификациялоо тууралуу

1-берене.

Екатеринбург шаарында 2009-жылдын 16-июнунда кол коюлган Шанхай кызматташтык уюмуна мүчө-мамлекеттердин террорго каршы түзүмдөрү үчүн кадрларды даярдоо жөнүндө Макулдашуу ратификациялансын.

2-берене.

Көрсөтүлгөн Макулдашуунун 23-беренесин аткаруу үчүн Кыргыз Республикасынын Мамлекеттик улуттук коопсуздук комитети аны ишке ашыруу боюнча компетенттик орган болуп аныкталсын.

3-берене.

Кыргыз Республикасынын Тышкы иштер министрлиги көрсөтүлгөн Макулдашуу күчүнө кириши үчүн зарыл болгон мамлекеттик ички жол-жоболорду Кыргыз Республикасы аткаргандыгы жана аны ишке ашыруу үчүн жооптуу компетенттик орган жөнүндө Шанхай кызматташтык уюмунун Катчылыгына кабарласын.

4-берене.

Ушул Мыйзам расмий жарыяланган учурдан тартып күчүнө кирет.