КЫРГЫЗ РЕСПУБЛИКАСЫНЫН ӨКМӨТҮ

БУЙРУК

 2008-жылдын 8-сентябры № 451-б

Кыргыз Республикасынын Эмгек жана социалдык өнүктүрүү министрлигинин тизмелери боюнча жакыр үй-бүлөлөрдү рыноктук баадан арзан ун менен толук камсыздоо максатында:

Кыргыз Республикасынын Өкмөтүнүн 2007-жылдын 6-майындагы № 184-б буйругуна төмөнкүдөй толуктоо жана өзгөртүү киргизилсин:

- 2-пунктта:

төмөнкүдөй мазмундагы экинчи абзац менен толукталсын:

"- мамлекеттик резервден 2500 тонна аштык буудайдын данын брондон чыгарсын;";

үчүнчү абзацы төмөнкүдөй редакцияда берилсин:

"- мамлекеттик резервден брондон чыккан 2500 тонна аштык буудайдын данын жана Кыргыз Республикасынын Өкмөтүнүн 2007-жылдын 9-октябрындагы № 379-б буйругу боюнча брондон чыгарылган аштык буудайдын калдыгынан тартылган ундун эсебинен Кыргыз Республикасынын Эмгек жана социалдык өнүктүрүү министрлигинин тизмелери боюнча бир үй-бүлөгө 25 кг эсепте ун облустарга, райондорго, Бишкек жана Ош шаарларынын мэрияларына жеткирилишин камсыздасын;".