КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2008-жылдын 11-декабры № 639-б

Республиканын эмгекчилери үчүн ден соолук чыңдоо иш-чараларын өткөрүү максатында:

1. Кыргыз Республикасынын Финансы министрлиги:

- Кыргызстан профсоюздар Федерациясына ден соолук чыңдоо иш-чараларын өткөрүү үчүн 2008-жылдын аягына чейин республикалык бюджеттен кошумча 10,0 млн. сом суммасында бөлсүн;

- "Кыргыз Республикасынын 2008-жылга республикалык бюджети жөнүндө" Кыргыз Республикасынын Мыйзамына өзгөртүүлөрдү киргизүүнү кароочу мыйзам долбоорун белгиленген тартипте киргизсин.

2. Кыргызстан профсоюздар Федерациясына төмөнкүлөр сунушталсын:

- ушул буйруктун 1-пунктунда каралган каражаттардын чектеринде профсоюздук ден соолук чыңдоочу жайларга эмгекчилерди санаториялык-курорттук дарыланууга жолдомолор менен камсыздоо;

- Кыргыз Республикасынын Финансы министрлигине бюджеттик каражаттарды Кыргыз Республикасынын мыйзамдарында белгиленген мөөнөттөрдө пайдалануу жөнүндө отчет берүү.

3. Бул буйруктун аткарылышын контролдоо Кыргыз Республикасынын Өкмөтүнүн Аппаратынын социалдык өнүктүрүү бөлүмүнө жүктөлсүн.