КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2009-жылдын 14-августу № 449-б

Социалдык аялуу катмарлардын балдарынын кесиптик билим алуусу үчүн жагымдуу шарттарды түзүү жана камсыз кылуу максатында:

1. 2009-2010-окуу жылында төмөнкү окуу жайларында реабилитациялык топтор түзүлсүн:

- Чүй облусунун Кемин районундагы № 19 кесиптик лицейде;

- Чүй облусунун Беловодск айылындагы № 28 кесиптик лицейде;

- Бишкек шаарындагы № 95 кесиптик лицейде.

2. Кыргыз Республикасынын Өкмөтүнө караштуу Кесиптик-техникалык билим берүү боюнча мамлекеттик агенттик:

- реабилитациялык иштин өзгөчөлүктөрүн эске алуу менен аталган окуу жайларынын уставын эки айлык мөөнөттө бекитсин;

- республикалык бюджетте жыл сайын бекитилүүчү финансы каражаттарынын чегинде реабилитациялык топторду күтүүнү жүзөгө ашырсын.

3. Бул буйруктун аткарылышын контролдоо Кыргыз Республикасынын Өкмөтүнүн Аппаратынын билим берүү, маданият жана спорт бөлүмүнө жүктөлсүн.