КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2012-жылдын 30-октябры № 521-б

Көрүнүктүү мамлекеттик ишмер М.К.Аммосовдун туулган күнүнүн 115 жылдыгына байланыштуу анын ысымын түбөлүккө калтыруу максатында, ошондой эле Саха (Якутия) Республикасынын Кыргыз Республикасындагы Маданият күндөрүн өткөрүүгө байланыштуу:

1. Бишкек шаардык мэриясына төмөнкүлөр сунушталсын:

- көрүнүктүү мамлекеттик ишмер М.К.Аммосовдун СССРдин эл сүрөтчүсү Т.Садыков жасаган эстелик-бюстун орнотууга жерди аныктоо;

- М.К.Аммосовдун эстелик-бюстун орнотуу, постаментин куруу жана ал жердеги аймакты жакшыртуу боюнча чараларды көрүү.

2. Кыргыз Республикасынын Маданият жана туризм министрлиги:

- Саха (Якутия) Республикасынын Президенти башында турган делегациянын Кыргыз Республикасында болуусу боюнча иш-чаралардын планын иштеп чыксын жана Кыргыз Республикасынын Өкмөтүнүн кароосуна киргизсин;

- Саха (Якутия) Республикасынын делегациясынын катышуусу менен М.К.Аммосовдун эстелик-бюстунун салтанаттуу ачылыш аземин өткөрсүн;

- М.К.Аммосовдун туулган күнүнүн 115 жылдыгына арналган салтанаттуу кече жана Кыргыз Республикасынын жана Саха (Якутия) Республикасынын искусство чеберлеринин концертин уюштурсун.

3. Эстелик-бюстту жасоого, орнотууга, постаменттин курулушуна жана эстелик-бюст орнотулган аймакты абаттоого байланыштуу чыгымдар өтүнүч менен кайрылган тараптын эсебинен каржыланаары эске алынсын.

4. Бул буйруктун аткарылышын контролдоо Кыргыз Республикасынын Өкмөтүнүн Аппаратынын билим берүү, маданият жана спорт бөлүмүнө жүктөлсүн.