КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2013-жылдын 23-сентябры № 391-б

Көз карандысыз Мамлекеттер Шериктештигинин Гидрометеорология боюнча мамлекеттер аралык кеңешинин (мындан ары - Кеңеш) 26-сессиясын Ысык-Көл облусунун Ысык-Көл районундагы Чолпон-Ата шаарында 2014-жылдын сентябрында өткөрүү максатында:

1. Кыргыз Республикасынын Өзгөчө кырдаалдар министрлиги:

- Кыргыз Республикасынын Өкмөтүнүн алдындагы Макроэкономикалык жана инвестициялык саясат боюнча координациялык кеңеши тарабынан бекитилген контролдук цифралардын чегинде Кыргыз Республикасынын Өзгөчө кырдаалдар министрлигинин алдындагы Гидрометеорология боюнча агенттикке Кеңештин 26-сессиясын уюштуруу үчүн каражат карасын;

- 2014-жылдын сентябрында Ысык-Көл облусунун Ысык-Көл районундагы Чолпон-Ата шаарында Кеңештин 26-сессиясын даярдоону жана өткөрүүнү камсыз кылсын.

2. Кыргыз Республикасынын Финансы министрлиги 2014-жылга республикалык бюджетте каралган каражаттардын чегинде Кыргыз Республикасынын Өзгөчө кырдаалдар министрлигинин алдындагы Гидрометеорология боюнча агенттикти каржыласын.