КЫРГЫЗ РЕСПУБЛИКАСЫНЫН ПРЕМЬЕР-МИНИСТРИ

БУЙРУК

2011-жылдын 17-февралы № 121

Төмөнкүлөргө алкыш жарыялансын:

- Кыргыз Республикасынын Премьер-министринин Россия Федерациясына (2010-жылдын 26-28-декабры) жана Казакстан Республикасына (2011-жылдын 4-февралы) визитин, Соода-экономикалык, илимий-техникалык жана гуманитардык кызматташтык боюнча өкмөттөр аралык кыргыз-россия комиссиясынын кезектеги 12-жыйынын (2011-жылдын 10-февралы) даярдоого жана өткөрүүгө активдүү катышкандыгы үчүн:

Сыдыкова Гүлмира Ракыевнага - Кыргыз Республикасынын Өкмөтүнүн Аппаратынын тышкы саясат бөлүмүнүн эксперти;

Эсеналиев Алмазбек Шүкүрбековичке - Кыргыз Республикасынын Казакстан Республикасындагы Элчилигинин кеңешчиси;

Рец Татьяна Борисовнага - Кыргыз Республикасынын Экономикалык жөнгө салуу министрлигинин интеграциялык бирикмелер башкармалыгынын начальниги;

Коңурбаев Мирлан Алиаскаровичке - Кыргыз Республикасынын Президентинин Иш башкармалыгынын протоколдук иш-чараларды уюштуруу жана тышкы байланыштар бөлүмүнүн башчысынын орун басары;

- Кыргыз Республикасына Түркия Республикасынын Премьер-министри Р.Т.Эрдогандын расмий визитин жана Кыргыз-Түркия бизнес-форумун (2011-жылдын 1-2-февралы) даярдоого жана өткөрүүгө активдүү катышкандыгы үчүн:

Молдоисаева Миргүл Родбековнага - Кыргыз Республикасынын Өкмөтүнүн Аппаратынын тышкы саясат бөлүмүнүн эксперти;

Чороев Кубат Арстанбековичке - Кыргыз Республикасынын Премьер-министринин протоколунун эксперти;

Асангул Бакытка - Кыргыз Республикасынын Тышкы иштер министрлигинин Батыш өлкөлөрү департаментинин биринчи секретары;

Маматбеков Айбек Бекбоевичке - Кыргыз Республикасынын Тышкы иштер министрлигинин Мамлекеттик протокол департаментинин биринчи секретары;

Мурзаев Кубат Садырбековичке - Кыргыз Республикасынын Экономикалык жөнгө салуу министрлигинин инвестициялык саясат башкармалыгынын начальниги;

Данияров Майрамбек Мурсакматовичке - Кыргыз Республикасынын Президентинин Иш башкармалыгынын мамлекеттик сатып алуулар бөлүмүнүн референти;

- Өзгөчө кырдаалдарга байланыштуу Египет Араб Республикасынан (2011-жылдын 9-февралы) Кыргыз Республикасынын жарандарын ийгиликтүү эвакуациялаганы үчүн:

Эркин Айдитке - Кыргыз Республикасынын Тышкы иштер министрлигинин Консулдук кызмат департаментинин директору;

Имангазиев Алмаз Кулубековичке - Кыргыз Республикасынын Тышкы иштер министрлигинин Консулдук кызмат департаментинин мекендештер жана мигранттар менен иштөө боюнча бөлүмүнүн башчысы;

Ботбаев Абдулазиз Нарынбековичке - Кыргыз Республикасынын Сауд Аравия Королчулугундагы Элчилигинин экинчи секретары;

Токтобекова Мариям Токтобековнага - Кыргыз Республикасынын Тышкы иштер министрлигинин Консулдук кызмат департаментинин мекендештер жана мигранттар менен иштөө боюнча бөлүмүнүн атташеси;

Усупбаев Алмазбек Зиявидиновичке - Кыргыз Республикасынын Сауд Аравия Королчулугундагы Элчилигинин атташеси.