КЫРГЫЗ РЕСПУБЛИКАСЫНЫН ӨКМӨТҮ

БУЙРУК

 2018-жылдын 31-декабры № 476-б

Мамлекеттик кызмат көрсөтүүлөрдү пайдалануу жол-жоболорун жөнөкөйлөтүү максатында, "Мамлекеттик жана муниципалдык кызмат көрсөтүүлөр жөнүндө" Кыргыз Республикасынын Мыйзамынын 15-беренесине, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

1. Кыргыз Республикасынын Өкмөтүнүн 2017-жылдын 19-сентябрындагы № 410-б буйругуна төмөнкүдөй өзгөртүү киргизилсин:

- 2-пунктундагы "2018-жылдын 31-декабрына" деген сөздөр "2019-жылдын 1-июлуна" деген сөздөр менен алмаштырылсын.

2. Кыргыз Республикасынын Финансы министрлиги:

- Кыргыз Республикасынын Өкмөтүнө караштуу Мамлекеттик каттоо кызматына пилоттук долбоорду ишке ашыруу үчүн "Санариптик экономика" бюджеттик программасынын алкагында "Кыргыз Республикасынын 2019-жылга республикалык бюджети жана 2020-2021-жылдарга болжолу жөнүндө "Кыргыз Республикасынын Мыйзамында каралган каражаттардын эсебинен 16 829 000 (он алты миллион сегиз жүз жыйырма тогуз миң) сом суммасында каражат бөлүп берсин;

- "Кыргыз Республикасынын 2019-жылга республикалык бюджети жана 2020-2021-жылдарга болжолу жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоорун иштеп чыгууда ушул буйруктан келип чыгуучу өзгөртүүлөрдү карасын.

3. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын курулуш, транспорт жана коммуникациялар бөлүмүнө жүктөлсүн.