КОРУЛ АЙЫЛДЫК КЕҢЕШИ

ТОКТОМ 

Корул айылдык Кеңешинин 6-чакырылышынын 28-отуруму

2019-жылдын 03-апрели №28/2

Корул айыл өкмөтүнүн ФПСтин (Ак-Башат, Сары-Тектир, Тогуз-Булак, Күндөй жаңы жана Тегирмендин түзү) жерлерин ижара мөөнөтү бүткөндүгүнө байланыштуу ижарага берүү үчүн баштапкы баасын коюп берүү боюнча

Корул айыл өкмөтүнүн ФПСтин (Ак-Башат, Сары-Тектир, Тогуз-Булак, Күндөй жаңы жана Тегирмендин түзү) жерлерин ижара мөөнөтү бүткөндүгүнө байланыштуу, ижарага берүү үчүн баштапкы баасын коюп берүү боюнча Корул айылдык Кенеши

ТОКТОМ КЫЛАТ:

1. Ижара мөөнөтү бүткөн (Ак-Башат, Сары-Тектир, Тогуз-Булак, Күндөй жаңы жана Тегирмендин түзү) жерлерин чөп орунду жерлери алгачкы баасы 1га 800 (сегиз жүз) сомдон, кайрак айдоо жерлери 1га 1000 (миң) сомдон келишим түзүлүп ижарага берилсин.

2. Тосулуп, өздөштүрүлгөн жерлерди 1га 5 000 (беш миң) сомдон кем эмес ижарага келишим түзүлүп берилсин.

3. Келишимдин негизинде берилген жерлердин ижара акысы ар жылы 10-майга чейин төлөнбөсө, келишим бузулат.

4. Мурдагы мөөнөттө ижара акысын өз убагында төлөбөгөндөр аукционго катыштырылбасын.

5. Ушул токтомдун аткарылышы жер жана агроардык маселелер боюнча туруктуу комиссиясынын жалпы мүчөлөрүнө, айыл башчыларына жана Корул айыл өкмөтүнүн башкы жер адиси А.Ысаковго милдеттендирилсин.