КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2018-жылдын 24-октябры, № 376-б

Жалал-Абад облусунун Тогуз-Торо районундагы Көк-Ирим айыл аймагынын сугат жерлерин суу менен камсыздоону жакшыртуу максатында, «Кыргаз Республикасынын Өкмөтү жөнүндө» Кыргыз Республикасынын конституциялык Мыйзамынын 10 жана 17-беренелерине ылайык:

1. Кыргыз Республикасынын Айыл чарба, тамак-аш өнөр жайы жана мелиорация министрлигине 2018-жылда Кыргыз Республикасынын Айыл чарба, тамак-аш өнөр жайы жана мелиорация министрлигинин Суу чарба жана мелиорация департаментине мамлекеттик ирригациялык курулмаларды күтүүгө, техникалык эксплуатациялоого жана капиталдык оңдоого каралган бюджеттик каржылоонун чегинде наркы 3 000 000 (үч миллион) сом өлчөмүндө Жалал-Абад облусунун Тогуз-Торо районундагы Көк-Ирим айыл аймагынын «Ак-Талаа» ички чарбалык каналынын башкы курулмасын оңдоп, калыбына келтирүү иштерин жүзөгө ашырууга уруксат берилсин.

2. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын агроөнөр жай комплекси жана экология бөлүмүнө жүктөлсүн.