КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2018-жылдын 4-октябры, № 346-б

“'Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

1. Кыргыз Республикасынын Финансы министрлиги Кыргыз Республикасынын Жогорку Кеңешинин Бюджет жана финансы боюнча комитети менен макулдашып, белгиленген тартипте:

- Кыргыз Республикасынын Өкмөтүнө караштуу Экологиялык жана техникалык коопсуздук боюнча мамлекеттик инспекцияга архитектура-курулуш көзөмөлү, экологиялык коопсуздук үчүн техникаларды жана жабдыктарды, жүк жана жүргүнчү ташуу үчүн толук приводдуу "УАЗ" маркасындагы 3 бирдик автомашина жана формалык кийимдерди сатып алууга кошумча 11 900 000 (он бир миллион тогуз жуз миң) сом бөлсүн;

- Кыргыз Республикасынын Өкмөтунө караштуу Экологиялык жана техникалык коопсуздук боюнча мамлекеттик инспекция тарабынан контролдук-көзөмөлдөө иши боюнча мурда көрсөтүлгөн кызматтар үчүн мамлекеттик бюджеттин алдындагы дебитордук карыздарды жоюунун эсебине өндүрүлгөн каражаттарды жана экологиялык жана техникалык коопсуздук жаатында келтирилген зыян үчүн мамлекеттин пайдасына которулган акча каражаттарын каржылоо булагы катары аныктасын;

- ''Кыргыз Республикасынын 2018-жылга республикалык бюджети жана 2019-2020-жылдарга болжолу жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоорун даярдоодо аталган каражаттарды караштырсын.

2. Кыргыз Республикасынын Өкмөтүнө караштуу Экологиялык жана техникалык коопсуздук боюнча мамлекеттик инспекция ушул буйруктун 1-пунктунда аталган каражаттарды максаттуу пайдаланууну белгиленген тартипте камсыздасын.

3. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын тийиштүү бөлүмдөрүнө жүктөлсүн.