КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2018-жылдын 25-июну, № 221-б

Кыргыз Республикасында лотереяларды өткөрүүнү камсыздоо максатында, «Кыргыз Республикасынын Өкмөтү жөнүндө» Кыргыз Республикасынын конституциялык Мыйзамынын 10 жена 17-беренелерине ылайык:

1. Кыргыз Республикасынын Финансы министрлиги Кыргыз Республикасынын Жогорку Кеңешинин Бюджет жана финансы боюнча комитетинин макулдугу менен:

- Кыргыз Республикасынын мыйзамдарына ылайык лоторея өткөрүү үчун «Мамлекеттик лотерея компаниясы» мамлекеттик ишканасына 20 000 000 (жыйырма миллион) сом өлчөмүндө финансы каражаттарын бөлсүн;

- «Кыргыз Республикасынын 2018-жылга республикалык бюджети жана 2019-2020-жылдарга болжолу жөнүндө» Кыргыз Республикасынын Мыйзамына өзгөртүүлөрдү киргизүү тууралуу» Кыргыз Республикасынын Мыйзамынын долбоорун даярдоодо тиешелүү өзгөртүүлөрдү караштырсын.

2. «Мамлекеттик лотерея компаниясы» мамлекеттик ишканасы ушул буйруктун 1-пунктунда көрсөтүлгөн каражаттарды максаттуу багыты боюнча гана пайдалансын.

3. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын финансы жана кредит саясаты бөлүмүнө жүктөлсүн.