КҮЧҮН ЖОГОТТУ

КЫРГЫЗ РЕСПУБЛИКАСЫНЫН ПРЕМЬЕР-МИНИСТРИ

2020-жылдын 5-марты № 136

Коронавирус боюнча кырдаалга байланыштуу пайда болгон экономикалык кесепеттерден чыгуу боюнча ыкчам чараларды көрүү максатында:

1. Тышкы соккулардын натыйжасындагы кесепеттерди минималдаштырууга жана экономикалык өнүктүрүүнү өбөлгөлөөгө багытталган экономикалык чараларды ишке ашыруу боюнча республикалык штаб (мындан ары - Республикалык штаб) тиркемеге ылайык түзүлсүн.

2. Республикалык штаб үч күндүк мөөнөттө тышкы соккулардын натыйжасындагы кесепеттерди минималдаштыруу жана ата мекендик өндүрүүчүлөргө дем берүү боюнча иш-чаралар планын иштеп чыксын жана бекитсин.

3. Республикалык штаб төмөнкүлөргө укуктуу экендиги белгиленсин:

- министрликтердин, мамлекеттик комитеттердин, административдик ведомстволордун, аткаруу бийлигинин башка мамлекеттик органдарынын адистерин ишке тартууга;

- мамлекеттик бийлик органдарынан, жергиликтүү өз алдынча башкаруу органдарынан, коомдук уюмдардан өздөрүнүн функцияларын ишке ашыруу үчүн зарыл болгон маалыматты сурап алууга.

4. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын экономика жана инвестициялар бөлүмүнө жүктөлсүн.

Премьер-министр

М.Д. Абылгазиев

Тышкы соккулардын натыйжасындагы кесепеттерди минималдаштырууга жана экономикалык өнүктүрүүнү өбөлгөлөөгө багытталган экономикалык чараларды ишке ашыруу боюнча республикалык штабдын курамы

(КР Премьер-министринин 2020-жылдын 18-мартындагы № 170 буйругунун редакциясына ылайык)

Экономикалык блок боюнча Кыргыз Республикасынын вице-премьер-министри, Республикалык штабдын төрагасы;

Кыргыз Республикасынын Өкмөтүнүн Аппарат жетекчиси - министр, Республикалык штабдын төрагасынын орун басары;