ЫРЫС АЙЫЛДЫК КЕӉЕШИ

ТОКТОМ

Ырыс айылдык Кеңешинин X сессиясы

2014-жылдын 6-марты № 10/3

“Мектепке жана мектепке чейинки балдар мекемелерин каржылоо жөнүндө”

Ырыс айыл өкмөтүнүн жергиликтүү бюджетинин 2013-жылга киреше, чыгаша булактарынын аткарылышы боюнча айылдык Кеңешинин бюджет, финансы жана экономика боюнча туруктуу комиссиясынын төрагасы А. Курбаналиевтин жана 2014-жылга бюджеттин долбоорун бекитүү жөнүндө айыл өкмөтүнүн башчысы К.Имановтун билдирүүлөрүн угуп, талкуулап Ырыс айылдык Кеңеши:

ТОКТОМ КЫЛАТ:

1. Ырыс айыл өкмөтүнүн Күмүш-Азиз айылында жаңы «Ромашка» балдар бакчасына эки тайпа ачууга уруксат берилсин жана жаңы ачылуучу балдар бакчаларын уюштуруу иштерине жергиликтүү бюджет эсебинен акча каражаты ажыратылсын. Жаңы ачылган тайпалардын кызматкерлеринин эмгек акысын категориалдык грантка кошуу жагы Сузак районунун каржы бөлүмүнөн жана райондук билим берүү бөлүмүнөн суралсын.

2. КРӨнүн 15-январь 2008-жылдагы № 7-токтомуна ылайык «Наристе», «Красная Шапочка», «Жоогазын» жана «Ромашка» балдар бакчаларындагы тарбиялануучуларга ар бирине 18 сомдон күнүнө тамак ашына жергиликтүү бюджеттен акча каражаты ажыратылсын, каражаттардын өз учурунда жана максаттуу пайдаланышына жоопкерчилик, айыл өкмөтүнүн башчысына, КЭБ башчысына, балдар бакчаларынын жетекчилерине жүктөлсүн. Көзөмөлдөө жагы бюджет, финансы жана экономика боюнча туруктуу комиссиясына милдеттендирилсин.

3. Айыл өкмөтүнөн жыйналган атайын каражаттарды казыналык системаны аттап өтуп пайдалануусуна тыюу салынсын. Аталган тартип бузулган учурда атайын каражаттын 100% тийиштуу баскычтагы бюджеттин кирешесине алынышы эскертилсин. Мектептин учурдагы ремонту жана окуу китептерин ижарага берүү үчүн ата-энелерден акы алуу жүргүзүлбөсүн. Көзөмөлдөө жагы мыйзамдуулук, укук жана этика боюнча туруктуу комиссиясына жүктөлсүн.

4. Ырыс айыл өкмөтүнүн билим берүү бөлүмү боюнча ар бир мектеп, балдар бакчасы боюнча чыгымдалышы №1,2,3,4 тиркемелерине ылайык бекитилсин.

5. 2014-жылга айыл өкмөтүнүн муниципалдык объектилерине иштетилүүчү электр энергиясына болгон лимит №5-тиркемеге ылайык бекитилсин. Көзөмөлдөө курулуш, энергетика жана экология боюнча туруктуу комиссиясына тапшырылсын.

6. Ушул токтомдун финансылык пункттарын көзөмөлдөө айылдык Кеңештин бюджет, финансы жана экономика маселелери боюнча туруктуу комиссиясына жүктөлсүн.

7. Токтом массалык маалымат каражаттарында жарыяланган күндөн баштап күчүнө кирет.

Ырыс айыл окмотунун 2014-жылга карата чыгашаларынын расчеттору.

Билим берүү болуму (балдар бакчасы) 70911