ҮЧ-ТӨБӨ АЙЫЛДЫК КЕӉЕШИ

ТОКТОМ

Үч-Төбө айылдык кеңешинин V чакырылышынын кезектеги XXXVI заседаниеси

2015-жылдын 18-ноябры № 36/4

Кыргыз Республикасынын 2011-жылдын 15-июлундагы №101 Жергиликтүү өз алдынча башкаруу жөнүндө Мыйзамынын 4-главасынын 31-беренесине ылайык , Үч-Төбө айылдык кенешинин 2015-жылдын иш-планын аткаруу жана Үч-Төбө айыл өкмөтүнө караштуу мектептерди ,бала-бакчаларды, айыл өкмөтүнүн аймагындагы муниципалдык менчикте турган социалдык имараттарды мамлекеттик каттоодон өткөрүп, тиешелүү документтерин тактап мамлекеттик акт алуу жөнүндө

Үч-Төбө айыл өкмөтүнө караштуу мектептерди, бала-бакчаларды, айыл өкмөтүнүн аймагындагы муниципалдык менчикте турган социалдык имараттарды мамлекеттик каттоодон өткөрүп, тиешелүү документтерин тактап (гос.акт) алуу жөнүндө социалдык саясат боюнча туруктуу комиссиясынын төрагасы Ж.Баргыбаевдин билдирүүсүн угуп жана талкуулап Үч-Төбө айылдык Кеңеши

ТОКТОМ КЫЛАТ:

1. Үч-Төбө айыл өкмөтүнө караштуу муниципалдык менчикте турган (мектептердин, бала-бакчалардын, китепканалардын, ФАПтардын, маданият үйлөрүнүн) жана башка баардык социалдык имараттарды кайрадан карап, эгерде мамлекеттик каттоодон өтө элек болсо, каттоодон өткөрүп мамлекеттик акт алып, каттоого алуу жагы Үч-Төбө айыл өкмөтүнүн башчысы И.Кутушевага жана Үч-Төбө айыл өкмөтүнүн ФЭБ башчысы А.Арыковго милдеттендирилсин.

2. Ушул токтомдун аткарылышын көзөмөлдөө жагы социалдык саясат боюнча туруктуу комиссиясына тапшырылсын.