БҮРГӨНДҮ АЙЫЛДЫК КЕӉЕШИ

ТОКТОМ

Бүргөндү айылдык кеңешинин XXVI чакырылышынын XXVIII сессиясы

2016-жылдын 19-майы № 2

Бүргөндү айыл Өкмөтүнүн башчысы Э.Маматаевтин 2015-жыл ичинде социалдык-экономикалык өнүгүүсүндө аткарган иштери  жөнүндө

Бүргөндү айыл Өкмөтүнүн башчысы Э.Маматаевтин 2015-жыл ичинде социалдык-экономикалык  өнүгүүсүндө  аткарган иштери жөнөндөгү маалыматын  угуп жана талкуулап  Бүргөндү айылдык кеңешинин XXVI чакырылышынын XXVIII сессиясы.

ТОКТОМ КЫЛАТ:

1. Э.Маматаевтин 2015-жыл ичинде социалдык-экономикалык  өнүгүүсүндө  аткарган иштери жөнөндөгү маалыматы эске алынсын.

2. Э.Маматаевтин 2015-жыл ичинде социалдык-экономикалык  өнүгүүсүндө  аткарган иштери боюнча төмөндөгүлөр 2016-жылы бүткөрүлүүсү  берилсин:

- Жергиликтүү тургундардын электр энергияны пайдалангандыгы үчүн райондук РЭСке төккөн төлөмдөрүнөн 2%ти айыл өкмөттүн бюджетине түшүрүлсүн;

- Аймактык оорукананын учурдагы жер аянтын трансформацялоо боюнча тиешелүү документтери бүткөрүлсүн;

- Маданият үйүнө статус алып берүү боюнча иш аракеттер көрүлсүн;

- “Келечек” каналынын жерин трансформацялоо иштерин бүткөрүү жагы колго алынсын;

- Калктын аярлуу катмары менен иш алып барууну жакшыртуу, аз камсыз болгон үй-бүлөөлөргө жөлөк пул чектөөдө аяр мамиле жасоо менен, мүмкүн болушунча жөлөк пүл алуучуларга көмөк көрсөтүүнү колго алуу;

- КРнын Бажы союзуна киргендигине байланыштуу дыйкан, фермерлердин айыл чарба продукцияларын чет өлкөлөргө экспорт кылууда жакындан колдоо көрсөтүүнү колго алуу;

- Дыйкан, фермер чарбаларды үзгүлтүксүз эгин суу менен камсыз кылууну колго алуу;

- 2016-жылга ички- тышкы инвестицияларды тартуу менен курулуш иштерине бөлүнгөн акча каражатын максаттуу пайдалануу жана курулуш иштерин толугу менен бүткөрүү жагы милдеттендирилсин;

3. Жогорудагы сын-пикирлерди эске алуу менен айыл өкмөт башчысы Э.Маматаевтин  2015-жыл ичинде социалдык-экономикалык  өнүгүүсүндө  аткарган иштери жөнөндөгү маалыматы канааттандыраарлык деп табылсын.

4. Токтомдун аткарылышын көзөмөлдөө жагы Бүргөндү айылдык Кеңешинин туруктуу комиссияларынын төрагалары А.Расуловко, А.Толубаевке, Т.Асанбаевке жана  О.Калмуратовко милдеттендирилсин.