БАТКЕН ШААРДЫК КЕӉЕШИНИН ТОКТОМУ

Баткен шаардык кеңешинин VII чакырылышынын кезектеги XXсессиясы

2023-жылдын 2-октябры № 67

 Баткен шаарынын мэриясынын алдындагы муниципалдык менчик департаментинин аткарып жаткан иштеринин абалы жөнүндө

Баткен шаарынын мэриясынын алдындагы муниципалдык менчик департаментинде жалпысынан штаттык бирдикте бекитилген 25 кызмат ордунда бүгүнкү күндө 21 кызматкер эмгектенет. Анын ичинен сапаттуу курамы 14 кызматкерди түзөт.

Баткен шаарынын муниципалдык менчик департаменти ишмердүүлүгүн шаардын аймагындагы айыл чарба жерлерин башкарууда КР жер кодексинин, КР Өкмөтүнүн 2008-жылдын 17-июлундагы №306 токтомунун “Асылдуулугу төмөн айыл-чарба жерлерин өздөштүрүүгө жана айыл-чарба өндүрүшүн жүргүзүүгө берүүнүн тартиби жөнүндө” жобосунун, 2007-жылдын 22-июнундагы №243 “Айыл-чарба жерлеринин мамлекеттик фондунун жерлерин ижарага берүүнүн шарттары жана тартиби жөнүндө”токтомунун, КР МК 2021-жылдын 17-декабрындагы №309 токтомунун ал эми шаардын ичиндеги муниципалдык жерлерди КР Өкмөтүнүн 2011-жылдын 23-сентябрындагы №571 токтомунуннегизинде бекилген типтүү жобонун негизинде иш алып барат.

Баткен шаарынын жалпы аянты 42 765,2 га түзөт. Түндүк тарабы Кара -Бак, түштүк тарабы Кара-Булак, чыгыш тарабы Дара ал эми батыш тарабы Ак-Сай айыл өкмөттөрү менен чектешет.

Анын ичинен:

Шаар аймагындагы жерлер – 14923 га

Рават жайлоосу – 14673 га

Дөгмөн жайлоосу – 12726,9 га

Кык жайлоосу – 410,7 га

Ат -Жолу насостук стансиясынын алдындагы жер – 31,6 га

Баткен шаарынын мэриясынын алдындагы муниципалдык менчиктин балансында турган муниципалдык мүлктөр:

Имараттар                                             69 801 700 сом

 Курулмалар                                          82 335 800 сом

Машина жана жабдуулар                  34 668 687 сом

Контордук жабдуулар             1 255 400 сом

Эмерек жана буюмдар                       4 541 900 сом

Транспорттук каражаттар                  45 597 900 сом

Жалпысы                                               219 036 900 сом

2021-жыл жыл ичинде Айыл Банк аркылуу лизинг менен алынган техникалар.              

Водовоз Sinotruk Howo                                                                      3 291 226 сом

Автовышка Sinotruk Howo                                                    3 426 721 сом

Мусоровоз Sinotruk Howo      (3 даана 2977351сомдон) 8 932 053 сом         

Жалпысы                                                                                   15 650 000 сом

2022-жылы Жаратылышты коргоо фондунун  жана Айыл Банк аркылуу лизинг менен алынган техникалар.

Мусоровоз 1 даана                                                                              3 470 876 сом

Автобус (6 даана  3194081 сомдон)                                                19 164 487 сом

Жалпысы                                                                                   22 455 713    сом

2016-жылдын 16-декабрында КР ФМ жана Баткен шаарынын мэриясы менен түзүлгөн 19-05/69 сандуу келишимдин негизинде Баткен шаарынын таза суу линиясын реконструксиялоо максатында алынган ЕБРР тарабынан 1,5 миллион ЕВРО кредит алынган. 2022-жыл ичинде 13188900 сом болсо, жалпысынан50 533 368 сом акча каражаты которулуп берилди. (Кредиттин төлөө мөөнөтү 2018-жылдан тартып 2030-жылдын 14-майына чейин жылына 120 000 евродон төлөнөт).

Баткен шаарынын мэриясынын алдындагы муниципалдык менчиктин балансында турган социалдык обьектилер боюнча.

Баткен шаарында бүгүнкү күндө 7 орто мектеп, 2 башталгыч мектеп, 6 бала бакча, 5 ФАП, 3 эс алуу багы, 1 борбордук стадион,коргоого алынган Кызыл- Жол кварталындагы “Саймалуу таш” жана “Токтогул Олуя” маданий тарыхый жайы, шаар аймагында Улуу ата мекендик согуштун, ЧАЭСнын, Авган согушунун,Баткен кооогалаңынын, Кыргыз Тажик куралдуу салгылашуусунда курман болгон баатырлардын айкели жана коомдук ишмерлерге арналган 5 даана айкелдери бар.

Социалдык обьектилер жөнүндө маалымат.