БЕРДИКЕ БААТЫР АЙЫЛДЫК АЙМАКТЫК КЕҢЕШИ

ТОКТОМ

2024-жылдын 17-январы № 1

«Бердике баатыр айыл аймагынын 2024- жылдын бюджетин бекитүү жөнүндө»

Депутаттардын Бердике баатыр айылдык Кенешинин VIII–чакырылышынын кезектеги № 28 сессиясы;

ТОКТОМ КЫЛАТ:

1. Бердике баатыр айыл өкмөту боюнча 2023-жылдын бюджетинин аткарылышы 17834,5 миң сомду тузүп, чыгаша бөлүгү14941,7 миң сом болгон, эркин каражат боюнча калдык 3470,3 миң сомду түздү, бюджеттин аткарылышы канаттандырарлык деп табылсын.

2. Бердике баатыр айылдык аймактык Кеңешинин 2024- жылдагы бюджетинин киреше бөлүгү 8606,2 миң сом жана чыгашалар боюнча 8606,2 миң сом өлчөмүндө бекитилсин.

3. Бердике баатыр айылдык аймактын Кеңешинин 2024- жылдагы бюджетти кароодо киреше бөлүгү боюнча № 1 тиркемеге ылайык булактардан турары аныкталсын.

4. Бердике баатыр айылдык аймактын Кеңешинин 2024- жылдагы бюджеттинин чыгаша бөлүгү боюнча жалпы өлчөмү № 2 тиркемеге ылайык белгиленип бекитилсин.

5. Бердике баатыр айылдык аймактын Кеңешинин 2024- жылга бюджеттин накталай кассалык жүгүртүү акча каражаттарынын көлөмү № 3 тиркеменин негизинде белгиленип бекитилсин.

6. 2024- жылга карата Бердике баатыр айыл аймагы боюнча жалпы бөлүмдөрдөрдүн чыгаша бөлүгү № 4 тиркемеге ылайык бекитилсин.

7. Бердике баатыр айылдык аймактын Кеңешинин 2024- жылдагы « Байчечекей» бала бакчасы кошумча каржылоо жана ата-энелер төлөмү 3-октябрь 2022-жылдын № 4 протоколунун негизинде ар бир бала санына 800 сомдон төлөмү жалпы колдоого алынган.Ата-энелердин төлөмдөрүнөн чогулган каражат (165 бала *800 *8 = 1056,0) атайын эсептик счетко (спец.счет) төгүлүп чыгымдалсын, № 6 тиркемеге ылайык бекитилсин.

8. Жайыт пайдалануучулардын коомунун 255,0миң сом киреше бөлүгү № 7 тиркеме негизинде бекитилсин.

9. Бердике баатыр айылдык аймактын Кеңеши тарабынан 2025- жылга карата бюджеттин болжолдуу долбоору 10391,5 миң сом, ал эми 2026-жылга 11373,5 миң сом өлчөмүндө бекитилсин.

10. Бердике баатыр айыл өкмөтүндө каралган типтүү 14 штаттык бирдик КРнын Өкмөтүнүн 08.07.2013-жылдагы № 403 токтомунун редакцияланган жарлыгынын негизинде бекитилсин.

11. Кыргыз Республикасынын бюджеттик кодексинин 109-беренесине ылайык 5% тик ченден ашпай,мекеме уюмдарына жыл ичинде зарыл болгон учурда бир бөлүмдөн экинчи бөлүмгө, статьядан статьяга, чейректен чейрекке жылдыруу Бердике баатыр айыл өкмөтүнүн финансы-экономика бөлүм башчысына жүктөлсүн.

12. Мүлк салыгы КР салык кодексинин негизинде бекитилсин.

13. Транспорт ээлеринен алынуучу салык менчик автотранспорттору жана айыл чарба техникалары бар КРнын граждандары чет өлкөлүк граждандар жана гражданствосу жок жактар салык төлөөчү болуп эсептелинет. Салык чегерүү жана өлчөмү КР салык кодексинин 198 статьясынын негизинде жүргүзүлсүн.

14. Патент салыгынын планын 230,0 миң сомго жыл ичинде азайтуу боюнча Кыргыз Республикасынын Финансы министрлигинен суралсын.

15. Кирешенин жалпы бөлүгү бюджет боюнча 8606,2 миң сом болсо, ал эми жетпеген чыгаша бөлүгү боюнча маданият бөлүмүнөн калган алты айлык эмгек акысына, көмүр отунуна ,жана социалдык объектилердин майда ремонт иштерине, соцкоргоо бөлүмүнө жана башка керектүү чыгымдар 2023- жылдын жыйынтыгы боюнча калган эркин каражаттын эсебиндеги 3470,3миң сом айылдык Кенештин чечими менен макулдашылып жумшалсын.

16. 2023-жылдын аягында атайын эсепте калган калдык 282,1 миң сом ата-энелер төлөмү боюнча каражат бала бакчанынтамак –аш статьясына жумшалсын.

17. Токтомдун аткарылышына көзөмөлдүк жүргүзүү жагы Бердике баатыр айыл аймагынын айылдык аймактын Кеңешинин алдындагы бюджет комиссиясына жүктөлсүн.

Талас районундагы Бердике баатыр айыл кенешинин 2024-ж кирешеси.