ЖЕРГЕ-ТАЛ АЙЫЛ АЙМАГЫНЫН АЙЫЛДЫК КЕҢЕШИ

ТОКТОМ

Жерге-Тал айыл аймагынын айылдык кеңешинин XXVIII чакырылышынын XХIX кезексиз сессиясы

2023-жылдын 6-февралы № 29/1

Жерге-Тал айыл аймагынын Жайыт пайдалануучулар бирикмесинин 2023-жылга жайыттарды пайдалануу үчүн жайыт акысын бекитүү жөнүндө

Жерге-Тал айыл аймагынын Жайыт пайдалануучулар бирикмесинин төрагасы Р.Асаналиевдин 2023-жылгы жайыттарды пайдалануу үчүн жайыт акысын бекитүү тууралуу маалыматын угуп жана Кыргыз Республикасынын «Жайыттар жөнүндө» Мыйзамынын 10 жана 11-беренеси, Нарын райондук мамлекеттик администрациясынын 2023-жылдын 25-январындагы райондун аймагында бирдиктүү тариф кабыл алуу жөнүндөгү №01-18/280 сандуу катынын негизинде, Жерге-Тал айыл аймагынын айылдык кеңешинин XXVIII чакырылышынын XХIX кезексиз сессиясы;

ТОКТОМ КЫЛАТ:

1. Жерге-Тал айыл аймагынын Жайыт пайдалануучулар бирикмесинин төрагасы Р.Асаналиевдин 2023-жылгы жайыттарды пайдалануу үчүн жайыт акысын бекитүү тууралуу билдирүүсү жана Нарын райондук мамлекеттик администрациясынын 2023-жылдын 25-январындагы райондун аймагында бирдиктүү тариф кабыл алуу жөнүндөгү сунуштары эске алынсын.

2. Жайыт жерлерин пайдалануу үчүн жыйым төмөндөгүдөй бекитилсин;

Бодо мал (уй, жылкы, топоз, төө)

-   1 шарттуу мал башына – 90 (токсон) сом

Майда жандык (кой, эчки).

-   1 шарттуу мал башына – 18 (он сегиз) сом

3.  Бул токтомдун аткарылышын Жерге-Тал айыл аймагынын Жайыт пайдалануучулар бирикмесинин төрагасы Р.Асаналиевге милдеттендирилсин.

4.  Ушул токтомду көзөмөлгө алуу жагы Жерге-Тал айыл аймагынын айылдык кеңешинин Экономика, финансы, бюджет, мандат, депутаттык иш жана этика боюнча депутаттык туруктуу комиссиясына тапшырылсын.