ЧОЛПОН АЙЫЛ АЙМАГЫНЫН АЙЫЛДЫК КЕҢЕШИ

ТОКТОМ

Чолпон айыл аймагынын айылдык кеңешинин депутаттарынын VII чакырылышынын кезексиз X сессиясы

2024-жылдын 13-марты № 10/8

“Нур-Чолпон” бала бакчасын капиталдык оңдоодон өткөрүүгө өздүк салым акча каражатын кароо жөнүндө

“Нур-Чолпон” бала бакчасын капиталдык оңдоодон өткөрүү үчүн Түрткү берүүчү (үлүштүк) грантка долбоор сунуштоо тууралуу Инвестиция тартуу жана мамлекеттик сатып алуулар боюнча адис Дүйшөнбек уулу Максаттын маалыматын угуп жана талкуулап Депутаттардын Чолпон айыл аймагынын айылдык Кеңеши токтом кылат:

1. “Нур-Чолпон” бала бакчасын капиталдык оңдоодон өткөрүү үчүн Түрткү берүүчү (үлүштүк) грантка долбоор сунуштоо демилгеси жактырылсын. 

2. . “Нур-Чолпон” бала бакчасын капиталдык оңдоодон өткөрүү үчүн Түрткү берүүчү (үлүштүк) грантка долбоор өтүп жаткандыгына байланыштуу өздүк салым катарында 2 501 400 (эки миллион беш жүз бир миң төрт жүз) сом акча каражаты бөлүнүп берилсин.

3. Долбоордук иш кагаздарын даярдоо жагы Инвестиция тартуу жана мамлекеттик сатып алуулар боюнча адис Дүйшөнбек уулу Максатка тапшырылсын. 

4. Бул токтомдун аткарылышын камсыз кылуу  айыл өкмөтү мекемесинин башчысы     Э. Макишовго жана  башкы эсепчи  Кармышбек кызы Гүлнарага  милдеттендирилсин.