ОРМОН-ХАН АЙЫЛДЫК КЕӉЕШИ

ТОКТОМ

Депутаттардын VII чакырылышынын Ормон Хан айыл аймагынын айылдык Кеңешинин кезексиз  ХIV сессиясы

2024-жылдын 11-апрели   № 14/2

 Э.Жунушалиева атындагы бала бакчага

 акча каражат бөлүү жөнүндө

Кочкор районун өнүктүрүү фондусуна сунуштоого даярдалып жаткан Ормон-Хан айыл аймагына караштуу Кочкор айылындагы Э.Жунушалиева атындагы бала бакча мекемесине оюн комплекс салуу 450 000 сомдук долбооруна өздүк салым катары 130 000 сом бөлүү туралуу Ормон-Хан айыл аймагынын айыл өкмөт башчысынын маалыматты угуп, талкуулап, Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Мыйзамынын 34-беренесин жетекчиликке алып, Кочкор айылдык Кеңеши токтом кылат:

1. Ормон-Хан айыл аймагына караштуу Кочкор айылындагы Э.Жунушалиева атындагы бала бакча мекемесине оюн комплекс салуу 450 000 (төрт жүз элүү мин) сомдук долбооруна өздүк салым катары 130 000 (бир жүз отуз мин) сом  айыл аймактын бюджетинин өздүк салымдар беренесинен бөлүнсүн.
2. Долбоор тиешелүү жактардан жактырылган учурда тиешелүү мыйзамдардын негизинде акча каражатын которуп берүү жагы Ормон-Хан айыл өкмөтүнүн башчысы Б.Акишовго милдеттендирилсин.
3. Токтомдун аткарылышын көзөмөлдөө жагы Бюджет, салык, жергиликтүү жыйымдар боюнча туруктуу комиссиясына тапшырылсын.