ТЕРЕК-САЙ АЙЫЛ АЙМАГЫНЫН АЙЫЛДЫК КЕҢЕШИ

ТОКТОМ

Терек- Сай айыл аймагынын айылдык кеңешинин IХ чакырылышынын кезектүү II сессиясынын

2024-жыл 29-марты №14

“Эти Бакыр Терек-Сай” жоопкерчилиги чектелген коомунун 2024-жылга каралган социалдык пакети жөнүндө.”

Кыргыз Республикасынын Президентинин 2023-жылдын 29-декабрындагы № 370 “Кыргыз Республикасынын айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү жөнүндө ” Жарлыгынын жана Кыргыз Республикасынын Министрлер Кабинетинин 2024-жылдын 7-февралындагы “ Пилоттук режимде административдик-аймактык реформа жүргүзүү мезгилинде Кыргыз Республикасынын жергиликтүү өз алдынча башкаруусунун аткаруу органдарынын ишин уюштуруу жөнүндө” № 52 токтомуна ылайык келишимдин негизинде жумушка алуу үчүн “ Эти Бакыр Терексай” жоопкерчилиги чектелген коомунун 2024-жылга каралган социалдык пакетинин эсебинен айыл башчыларга айлык маянасын карап берүү жөнүндөгү Терек-Сай айыл аймагынын айыл өкмөтүнүн башчысы Б.Н.Исабековдун маалыматын угуп жана талкуулап, Терек-Сай айыл аймагынын айылдык кеңеши

Т О К ТО М  К Ы Л А Т:

            1. “ Эти Бакыр Терексай” жоопкерчилиги чектелген коомунун 2024-жылга каралган социалдык пакетине бөлүнгөн акча каражаты “ Эти Бакыр Терексай” жоопкерчилиги чектелген коомунун Терек-Сай айыл аймагынын Терек-Сай айыл өкмөтү менен түзүлгөн 2016-2026-жылга чейинки каралган меморандумга ылайык, жергиликтүү тургундардын муктаждыктарына жараша өз багытында жумшалсын.

            2. Терек-Сай айыл аймагынын айыл өкмөтүнүн келишим менен жумушка алынуучу айыл башчыларынын айлык акылары айыл аймакка түшкөн башка киреше булактарынан каралсын.

            3.Бул токтомдун аткарылышы Терек-Сай айыл аймагынын айыл өкмөтүнүн КЭБ башчысы Т.Т.Сувановага жүктөлсүн.

            4.Бул токтомдун аткарылышын көзөмөлдөө жагы айылдык кенештин бюджет, каржы, инвестиция, ишкердик, жана коомдук иштери боюнча туруктуу комиссиясына милдеттендирилсин.