ӨРҮКТҮ АЙЫЛДЫК КЕҢЕШИ

ТОКТОМ

“Өрүктү айылдык Кеңешинин VIII чакырылышынын кезектеги II сессиясынын”

2024-жылы 27-январы №3

“Өрүктү Тазалык” муниципалдык ишканасынын 2023-жыл ичинде аткарылган жумуштары боюнча жылдык отчету, 2024-жылга карата түзүлгөн иш-планын жана бюджетин бекитүү жөнүндө”

“Өрүктү Тазалык” муниципалдык ишканасынын жетекчиси С. Сүйүмкуловдун билдирүүсүн жана Өрүктү айылдык Кеңешинин бюджет, экономика, каржы, инвестиция боюнча туруктуу комиссиясынын 2024-жыл 26-январындагы отурумунун корутундусун угуп жана талкуулап, Өрүктү айылдык Кеңешинин VIII чакырылышынын кезектеги II сессиясы токтом кылат:

1. “Өрүктү Тазалык” муниципалдык ишканасынын 2023-жылдагы аткарган иштери канааттандырарлык деп белгиленсин.

1. “Өрүктү Тазалык” муниципалдык ишканасынын 2024-жылга карата өздүк кирешеси 834,4 (сегиз жүз отуз төрт миң төрт жүз) сом, ал эми жергиликтүү бюджеттен бөлүнүп берилген субсидия 1 050,0 (бир миллион элүү миң) сом, жалпы кирешеси 1 884,4 (бир миллион сегиз жүз сексен төрт миң төрт жүз) сом болуп бекитилсин.

1. “Өрүктү Тазалык” муниципалдык ишканасына 2024-жылга субсидия түрүндө жергиликтүү бюджеттен ажыратылган 1 050,0 (бир миллион элүү миң) сом акча каражатын тиешелүү статьяга жайгаштыруу жана которуп берүү айыл аймактын финансы-экономика бөлүмүнүн башчысы М. Осмонбековго жүктөлсүн.

1. “Өрүктү Тазалык” муниципалдык ишканасынын эсебинен эсептегич коюу менен Кең-Кол айылынын ар бир кожолукка таза суу улап берүү төлөмү 2 800 (эки миң сегиз жүз) сом болуп бекитилсин.

1. Токтомду Ала-Бука райондук мамлекеттик администрациясынын www.alabuka.kg веб сайтына жарыялоо жана Кыргыз Республикасынын ченемдик укуктук актыларынын мамлекеттик реестрине киргизүү Өрүктү айылдык Кеңешинин жооптуу катчысына милдеттендирилсин.

1. Токтомдун аткарылышын көзөмөлдөө бюджет, экономика, каржы жана инвестиция боюнча туруктуу комиссиясына жүктөлсүн.