ҮЧ-ДӨБӨ-АЛАЙ АЙЫЛ АЙМАГЫНЫН

АЙЫЛДЫК КЕӉЕШИ

ТОКТОМ

Үч-Дөбө-Алай айыл аймагынын айылдык кеңешинин VII чакырылышынын кезектеги I сессиясы

2024-жылдын 20-февралы № 2

«Үч-Дөбө-Алай айыл аймагынын айылдык кеңеши» мекемесин түзүү жөнүндө

Кыргыз Республикасынын Президентинин 2023-жылдын 29-декабрындагы № 370 «Кыргыз Республикасынын айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү жөнүндө» Жарлыгын, Кыргыз Республикасынын Президентинин 2024-жылдын 7-февралындагы №24 "Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө убактылуу жобону бекитүү жөнүндө” Жарлыгын, Кыргыз Республикасынын Министрлер Кабинетинин 2024-жылдын 7-февралындагы №52 "Пилоттук режимде административдик-аймактык реформа жүргүзүү мезгилинде Кыргыз Республикасынын жергиликтүү өз алдынча башкаруусунун аткаруу органдарынын ишин уюштуруу жөнүндө" Токтомун, Кыргыз Республикасынын Жарандык кодексинин 92-беренесин жана “Кыргыз Республикасынын Жергиликтүү мамлекеттик администрация жана жергиликтүү өз алдынча башкаруу органдары жөнүндө” Мыйзамын, Кыргыз Республикасынын Министрлер Кабинетинин 2023-жылдын 31-мартындагы №178 токтомун жетекчиликке алып, Үч-Дөбө-Алай айыл аймагынын айылдык кеңеши

ТОКТОМ КЫЛАТ:

1.«Үч-Төбө» жана «К.Белекбаев атындагы Алай айылдык кеңештерин» бириктирүү жолу менен «Үч-Дөбө-Алай айыл аймагынын айылдык кеңеши» мекемеси болуп кайра түзүлсүн.

  Юридикалык жактын толук фирмалык аталышы:

- Мамлекеттик тилде: «Үч-Дөбө-Алай айыл аймагынын айылдык кеңеши» мекемеси;

- Расмий тилде: Учреждение «Айылный кенеш Уч-Добо-Алайского айылного аймака»

Кыскартылган фирмалык аталышы:

- Мамлекеттик тилде: «Үч-Дөбө-Алай айыл аймагынын айылдык кеңеши» мекемеси.

- Расмий тилде: У-е «Айылный кенеш   Уч-Добо-Алайского айылного аймака».

2.«Үч-Дөбө-Алай айыл аймагынын айылдык кеңеши» мекемесине өткөрүп берүү актысы бекитилсин.

3. «Үч-Дөбө-Алай айыл аймагынын айылдык кеңешинин» Жобосу бекитилсин.

4. «Үч-Дөбө-Алай айыл аймагынын айылдык кеңеши» юридикалык дареги болуп, Кыргыз Республикасы, Ош облусу, Алай району, Сопу-Коргон айылы, М.Мамакова көчөсү № 15 болуп аныкталсын.

5. Юридикалык жактын уюштуруучусу - жергиликтүү кеңештин депутаттары.

6. Мекеме Кыргыз Республикасынын иштөөдөгү мыйзамдарына ылайык Кыргыз Республикасынын юстиция органдарында мамлекеттик каттоодон өткөрүлсүн.

Токтомдо көрсөтүлгөн маалыматтардын, ошондой эле мамлекеттик каттоо үчүн тапшырылган документтердеги маалыматтардын аныктыгы ырасталат.