КҮМҮШТАК АЙЫЛ АЙМАГЫНЫН АЙЫЛДЫК КЕӉЕШИ

ТОКТОМ

2024-жылдын 12-апрели № 8

Контракт же убактылуу негизде иштеп жаткан кызматкерлердин эмгек акысы 2024-жылдын аягына чейин сакталуусу жөнүндө

Боо-Терек айылдык Кеңешинин 2024-жылдын 30-январындагы №5 токтомунда каралган Күмүштак айыл өкмөтүндө контракт же убактылуу негизде иштеп жаткан кызматкерлердин эмгек акылары 2024-жылдын аягына чейин сакталуусу жөнүндөгү сунуштарды угуп, карап чыгып, талкуулап Күмүштак айылдык Кеңешинин I чакырылышындагы депутаттардын III сессиясы;

ТОКТОМ КЫЛАТ:

1. Күмүштак айыл өкмөтүндө контракт же убактылуу негизде иштеп жаткан кызматкерлердин (М.Ногоевдин, А.Серековдун, Э.Сманалиевдин жана Элтинди уулу Тынчтыктын) Боо-Терек айылдык Кеңешинин 2024-жылдын 30-январындагы №5 токтомунда көрсөтүлгөн (Боо-Терек айыл өкмөтүнүн 2023-жылдын бюджетинин чыгашадан ашкан кирешесин бөлүштүрүү жөнүндө) Турак жай жана коммуналдык бөлүмүнүн 2111- беренесинен каралган эмгек акылары 2024-жылдын аягына чейин сакталып төлөнүп берилсин.

2. Бул токтомдун аткарылышын камсыздоо жагы Күмүштак айыл өкмөтүнүн каржы-экономика жана социалдык өнүктүрүү бөлүмүнүн башчысы Р.Дуйшенкуловага милдеттендирилсин.

3. Токтомдун аткарылышын көзөмөлдөө жагы бюджет, экономика, муниципалдык менчик, инвестиция, ишкердик иш жана тышкы экономикалык байланыш боюнча туруктуу комиссиясына жүктөлсүн.