АЛА-БУКА АЙЫЛДЫК КЕҢЕШИ

ТОКТОМ

Ала-Бука айылдык кенешинин XXVII чакырылышынын кезектеги XXXI сессиясынын

2024-жылынын 18-январы №31/17

“Өрүктү айыл аймагынын Өрүктү айыл өкмөтү жана Т.Балтагулов айылдык аймагынын Балтагулов айыл өкмөтү Ала-Бука айыл аймагынын Ала-Бука айыл өкмөтүнө кошулуу жөнүндө.”

Ала-Бука айыл аймагынын айылдык кеңешинин XXVII-чакырылышынын кезектеги XXXI-сессиясы Кыргыз Республикасынын Президентинин 2023-жылдын 29-декабрындагы №370 Жарлыгын Кыргыз Республикасынын жарандык кодексинин 92-беренесин, Кыргыз Республикасынын Жергиликтүү мамлекеттик администрация жана жергиликтүү өз алдынча башкаруу органдары жөнүндө” Мыйзамын жана Кыргыз Республикасынын Министрлер Кабинетинин 2023-жылдын 31-мартындагы №178 токтому менен бекитилген “Юридикалык жактарды, филиалдарды (өкүлчүлүктөрдү) мамлекеттик каттоонун тартиби жөнүндө” Жобону жетекчиликке алып, токтом кылат:

            1.Өрүктү айыл аймагынын Өрүктү айыл өкмөтү, Т.Балтагулов айылдык аймагынын Т.Балтагулов айыл өкмөтү жана Ала-Бука айыл аймагынын Ала-Бука айыл өкмөтүн бириктирүү жолу менен “Ала-Бука айыл аймагынын Ала-Бука айыл өкмөтү” мекемеси болуп кайра түзүлүүгө уруксат берилсин.

            2. Мекемелердин мүлкүн инвентаризациялоо жана өткөрүп берүү актысына кол коюу жагы Ала-Бука айыл аймагынын Ала-Бука айыл өкмөтүнүн башчысы С.Койчумбаевге жүктөлсүн.

            3. “Ала-Бука айыл аймагынын Ала-Бука айыл өкмөтүнүн” мекемесине өткөрүп берүү актысы Ала-Бука райондук мамлекеттик администрация башчысы –акимдин 2024-жылдын 15-январындагы №11- б буйругуна ылайык жүргүзүлсүн.

             4.Токтомдун аткарылышы боюнча көзөмөлдү өзүмө калтырамын.