КЫЗЫЛ-КЫЯ ШААРДЫК КЕӉЕШИ

ТОКТОМ

Кызыл-Кыя шаардык кенешинин  VII чакырышынын кезектеги 39-сессиясы

2024-жылдын 25 –июну №39/149

Кызыл-Кыя шаардык кеңешинин 2024-жылдын 11-апрелиндеги

№36/143  “Көчөлөрдүн атын өзгөртүү жөнүндө” токтомуна

өзгөртүү киргизүү жөнүндө

“Жергиликтүү мамлекеттик администрация жана жергиликтүү өз алдынча башкаруу органдары жөнүндө” Кыргыз Республикасынын 2021-жылдын 20-октябрындагы №123 мыйзамынын 34-беренесине негиз, шаардык кеңештин Укук коргоо, мыйзамдуулук, депутаттык этика, регламент, коомдук уюмдар, үрп адат, религия(диний) жана улуттар аралык маселелери  боюнча туруктуу комиссиясынын 2024-жылдын 15-мартындагы №33 жана 2024-жылдын 1-апрелиндеги №34 протоколдорун жана Кызыл-Кыя шаарынын мэри А.Маткалыковдун 2024-жылдын 25-июнундагы № 01-8/1698 катын жана сессияда берген сунушун эске алып, Кызыл-Кыя шаардык кеңешинин сессиясы

ТОКТОМ  кылат:

1. Кызыл-Кыя шаардык кеңешинин 2024-жылдын 11-апрелиндеги №36/143  “Көчөлөрдүн атын өзгөртүү жөнүндө” токтомунун 1-пункту өзгөртүлүп төмөнкүдөй окулсун: “Кызыл-Кыя шаарынын Караван аймактык башкармалыгына караштуу “Пост ГАИ” участкасынын түндүктөн түштүктү карай 1,2-көчөлөрүнүн аты өзгөртүлүп,  Улуу Ата Мекендик согуштун ардагери, маркум Кадыров Калыктын ысымы ыйгарылсын”.  

1. Кызыл-Кыя шаардык кеңешинин 2024-жылдын 11-апрелиндеги №36/143  “Көчөлөрдүн атын өзгөртүү жөнүндө” токтомунун 2-пункту өзгөртүлүп төмөнкүдөй окулсун: “Кызыл-Кыя шаарынын Караван аймактык башкармалыгына караштуу “Пост ГАИ” участкасынын түндүктөн түштүктү карай 3,4,5-көчөлөрүнүн аты өзгөртүлүп, Улуу Ата Мекендик согуштун ардагери, маркум Алимкулов Жаликулдун ысымы ыйгарылсын.  

1. Токтомго ылайык тийиштүү иш-кагаздарын даярдоо, кабыл алынган токтомду  Кыргыз Республикасынын Өкмөтүнө караштуу жер ресурстары боюнча мамлекеттик агенттигинин алдындагы “КАДАСТР” мамлекеттик мекемесинин Кызыл-Кыя шаарындагы филиалына, Калкты жана жарандык абалдын актыларын каттоо департаментинин Кызыл-Кыя шаардык “03-03” аймактар аралык бөлүмүнө каттоого жана аткарууга жөнөтүү, тургундарга маалыматты жеткирүү менен түшүндүрүү иштерин жүргүзүү жагы Кызыл–Кыя шаарынын мэриясына тапшырылсын.

1. Ушул токтомдун аткарылышын көзөмөлгө алуу жагы Укук коргоо, мыйзамдуулук, депутаттык этика, регламент, коомдук уюмдар, үрп адат, религия(диний) жана улуттар аралык маселелери  боюнча туруктуу комиссиясына тапшырылсын.