ГУЛИСТАН АЙЫЛДЫК КЕҢЕШИ

ТОКТОМ

Гулистан айылдык кеңешинин (VII-шайланган) кезексиз XXIX-сессиясынын

2024-жылдын 19-апрели № XXIX-1

Гулистан айыл өкмөтүнүн башчысы Э. Шаназаровдун 22.02.2024-жылдагы №01-19/140 сандуу чыгыш катын кароо жөнүндө

Гулистан айыл аймагынын борборунда жайгашкан “Б. Шаназаров” атындагы стадионду мөөнөтсүз пайдаланууну сурап Ноокат шаардык мэриясы Гулистан айыл өкмөтүнө 09.02.2024-жылы № 01-15/85 сандуу каты менен кайрылган. Бул маселени карап берүү үчүн айыл өкмөтү Гулистан айылдык кеңешине кайрылган.  Аты аталган стадион 1987-жылы мурдагы Фрунзе атындагы колхоз тарабынан курулган. 1990-жылдардын башында Кыргызстанда жүргүзүлгөн жер реформасынын алкагында дыйкан чарбалардын балансына өтүп кеткен. Ошол кезде стадионду дыйкан чарбалар кароосуз калтырышкан.  Дыйкан чарбалар 26.08.2009-жылда жалпы жыйын өткөрүп, стадионду Гулистан айыл өкмөтүнүн муниципалдык менчигине өткөрүп беришкен. Стадиондун чыгыш жана батыш тарабындагы элдер отура турган  жери 2019 жана 2021-жылдары Кыргыз Республикасынын мамлекеттик түрткү берүүчү гранттын эсебинен каржыланып реконструкция болгон.

Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндөгү”  Мыйзамынын 34-беренесинин 5-пунктуна ылайык, Гулистан айылдык кеңеши

ТОКТОМ КЫЛАТ: 

1.Гулистан айыл өкмөтүнүн 22.02.2024-жылдагы чыгыш № 01-19/140 сандуу “Гулистан айыл аймагындагы Б.Шаназаров атындагы стадионду Ноокат шаар мэриясына мөөнөтсүз убакытка берүү боюнча 09.02.2024-жылдагы № 01-15/85 сандуу чыгыш катын кароо боюнча” каты кароосуз калтырылсын.

2.Гулистан айыл өкмөтүнө:

-Кыска убакыт ичинде стадионду толук реконструкциялоо үчүн ички-сырткы инвесторлорду тартуу, мындан ары заман талабына ылайык калыбына келтирүү тапшырылсын;

-Стадионду дайыма карап туруу үчүн кароолчунун штатын ачуу жагы тапшырылсын;

3.Ушул токтомдун аткарылышын көзөмөлдөө жагы айылдык кеңештин “Жаштар, спорт, маданият, билим берүү жана социалдык маселелер боюнча” туруктуу комиссиясына тапшырылсын.