ДЕПУТАТТАРДЫН ТАЛАС ШААРДЫК КЕҢЕШИ

ТОКТОМ

Депутаттардын Талас шаардык кенешинин VIII чакырылыштагы

кезектеги XXXIV сессиясынын

2024-жылдын 5-августу № 257/36-8

Талас шаардык кенешинин 09.02.2024-жылдагы №228/32-8 жана №227/32-8 токтомдоруна айрым өзгөртүүлөрдү киргизүүдөн жана 2023-жылдын 6 айында сатып алуулардан үнөмдөлгөн акча каражаттарын бөлүштүрүү жөнүндө

Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” мыйзамынын 34-беренесинин 2-бөлүмүнүн 2-пункту, Кыргыз Республикасынын Бюджеттик кодекси, Талас шаарынын мэриясынын 29.07.2024-жылдагы №01-19/2122 сандуу катынын негизинде, Депутаттардын Талас шаардык кенешинин “Бюджет жана муниципалдык менчик башкаруу маселелери боюнча” туруктуу комиссиясынын протоколун жана корутундусун карап, талкуулап чыгып, Депутаттардын Талас шаардык кенешинин сессиясы;

ТОКТОМ КЫЛАТ:

1. Депутаттардын Талас шаардык кеңешинин 2024-жылдын 9-февралындагы №228/32-8 сандуу токтомуна төмөнкүдөй өзгөртүүлөр жана толуктоолор киргизилсин:

- Талас шаарынын мэриясына өкүлчүлүктүү чыгымдарга бөлүнгөн 1 000000 сомдон пайдаланылбаган 804 620 сому, “Коопсуздук 2024” биргелешкен командалык-штабдык мобилизациялык машыгуусун өткөрүүгө бөлүнгөн 1798 325 сомдун пайдаланылбаган 1419 500 сому, Кварталдык комитеттердин кызмат көрсөтүүлөрү үчүн 2215 беренесине каралган 1 800 000 сом, Талас шаардык кеңешинин кабинетинин ремонту үчүн 2221 беренесине каралган 400 000 сом, Талас шаардык кеңешине эмеректерди сатып алууга бөлүнгөн 500 000 сомдун пайдаланылбаган 210 000 сому, Талас шаардык балдар өспүрүмдөр спорт мектебинин спорттук шаймандарын жаңыртуу үчүн 3112 беренесине каралган 1 575 000 сом, жалпы 6 209 120 сом акча каражаты кыскартылсын.

2. Депутаттардын Талас шаардык кеңешинин 2024-жылдын 9-февралындагы №227/32-8 токтому менен бекитилген Талас шаарынын 2024-жылга жергиликтүү бюджетинин чыгашасын каржылоо жөнүндө 3-тиркемесине төмөнкүдөй өзгөртүүлөр киргизилсин:

-Талас шаарына коммуналдык кызмат көрсөтүү боюнча муниципалдык ишканасына эмеректерди сатып алууга бөлүнгөн 3112 беренесиндеги 337 000 сом, 3111 беренесиндеги балдар аянтчасын курууга бөлүнгөн 3 999 700 сом, таштанды таштоочу жайга мембрана сатып алууга бөлүнгөн 4 650 000 сом, Ч.Айтматовдун эстелигинин айланасына брусчатка төшөөгө бөлүнгөн 5 200 000 сом, фонтанды оңдоого бөлүнгөн 100 000 сом, ашканага таза суу киргизүүгө каралган 200 000 сом, фонтанга насос сатып алууга бөлүнгөн 30 000 сом, 2222 беренесине бөлүнгөн 1 000 000 сом, 2214 беренесинен 500 000 сом жана 2215 беренесинен 350 000 сом, жалпы 16 366 700 сом кыскартылсын.

-“Талас жашыл чарба” муниципалдык ишканасына питомникке тал-теректердин көчөттөрүн сатып алууга 2222 беренесине бөлүнгөн 2 650 000 сом, күнөскана курууга 3111 беренесине бөлүнгөн 6 000 000 сом, Э.Кутманалиев атындагы стадионду реконструкциялоого бөлүнгөн 1498 900 сом, жалпы 10148 900 сом акча каражаты кыскартылсын.

-Талас шаардык өспүрүм балдардын күрөш боюнча спорттук мектебине 2221 беренесине бөлүнгөн 873 300 сомдон пайдаланылбаган 385 000 сом акча каражаты кыскартылсын.

3. Талас шаарындагы мекемелердин жана ишканалардын 2024-жылдын 6 айында сатып алуулардан үнөмдөлгөн 7 837 073 сом жана 2024-жылга карата бекитилген жергиликтүү бюджеттен кыскартылган 33 109 720 сом жалпы 40 946 793 акча каражаты төмөндөгүдөй бөлүштүрүлүп каржылансын.

- Талас шаарынын таштанды таштоочу жайында мембрана орнотууга 3111 беренесине 14 500 000 сом, Талас шаарындагы көп кабаттуу үйлөрдун короолоруна асфальт төшөөгө 3111 беренесине 2 000 000 сом, Талас шаарынын ички көчөлөрүнө кум-шагыл төгүп тегиздөөгө 3111 беренесине 530 365 сом жалпы 17 030 365 сом акча каражаты Талас шаарына коммуналдык кызмат көрсөтүү боюнча муниципалдык ишканасы аркылуу каржылансын.

-А.Огонбаев атындагы музыкалык мектептин имаратын ондоого 3111 беренесине 5 124 128 сом, Талас шаарындагы К.Дарданов атындагы №3 мектеп-гимназиясынын отканасын капиталдык оңдоого 3111 беренесине 4 267 850 сом, “Нагима апа” балдар бакчасынын имаратын оңдоого 3111 беренесине 658 557 сом, №4 орто мектебинин жылуулук системасын оңдоого 3111 беренесине 260 000 сом, Долбоордук-сметалык документтерди даярдоого 2215 беренесине 4 652 900 сом, Иш сапарлар чыгымдарына 2211 беренесине 350 000 сом, Эмгек акыга 2111 беренесине 594 107 сом, Социалдык фондго 2121 беренесине 92 941 сом жалпы 16 000 483 сом акча каражаты Талас шаарынын муниципалдык менчик башкармалыгы муниципалдык ишканасы аркылуу каржылансын.

-Чарбалык товарларды сатып алууга 250 000 сом, чарбалык инструменттерди сатып алууга 150 000 сом 2222 беренесине жалпы 400 000 сом, 2112 беренесине 12000 сом, 3111 беренесине 798 700 сом, 2231 беренесине 300 000 сом жалпы 1 510 700 сом акча каражаты “Талас жашыл чарба” муниципалдык ишканасы аркылуу каржылансын.

Талас шаарынын 80 жылдык мааракесин белгилөөгө 2215 беренесине 2 000 000 сом акча каражаты Талас шаардык маданият бөлүмү аркылуу каржылансын.

-Жалпы республикалык тестирлөөдө 200 дөн жогору упай алган 16 бүтүрүүчүнүн ар бирине 15 000 сомдон жана “Алтын сертификатка” ээ болгон эки окуучунун ар бирине 20 000 сомдон акчалай сыйлоо үчүн 2215 беренесине жалпы 280 000 сом, Талас шаарындагы орто мектептердин бүтүрүүчү класстардын окуучуларын жалпы республикалык тестирлөөгө, “Алтын тамга” тестине жана шаардык, областтык жана республикалык олимпиадаларга даярдоого 2215 беренесине 500 000 сом акча каражаты жана №3 “Солнышко” балдар бакчасына чарбалык товарларды сатып алууга 2222 беренесине 400 000 сом, жалпы 1 180 000 сом акча каражаты Талас райондук, шаардык билим берүү бөлүмү аркылуу каржылансын.

-Талас шаардык өспүрүм балдардын спорттук мектебинин имаратын оңдоо иштерине 2221 беренесине 200 000 сом, Залдын ичине футбол, волейбол, баскетбол аянтчаларынын белгилерине жана чийимдерине 2215 беренесине 200 000 сом, 2231 электр энергиясы бер енесине 700 000 сом,

жалпы 1 100 000 сом акча каражаты Талас шаардык өспүрүм балдардын спорттук мектеби аркылуу каржылансын.

-“Семетей-Талас” футболдук клубуна 2215 беренесине 400 000 сом, 2111 айлык акы беренесине 42 600 сом, 2121 соцфонд беренесине 7 400 сом, жалпы 450 000 сом акча каражаты “Семетей-Талас” футболдук клубу аркылуу каржылансын.

-Чарбалык товарларды сатып алууга 2222 беренесине 100 000 сом акча каражаты Талас шаардык “Баластан” балдарга билим берүү борбору аркылуу каржылансын.

-Талас шаарынын мэриясына иш сапарлар чыгымдары 2211 беренесине 350 000 сом, Мамлекеттик күзөт кызматына 2225 беренесине 628 245 сом, Талас шаарынын мэриясынын имаратын камсыздандырууга 2215 беренесине 60 000 сом, Гүлдөрдү сатып алууга 2215 беренесине 235 000 сом, Почта кызматына 2212 беренесине 30 000 сом, Талас шаарынын мэриясына өрт коопсуздугун камсыз кылуу системасын орнотууга 2215 беренесине 172 000 сом, Кызматтык автоунааны оңдоого 2214 беренесине 100 000 сом, жалпы 1 575 245 сом акча каражаты Талас шаарынын мэриясы аркылуу каржылансын.

4. Талас шаарынын мэриясына бөлүнгөн төмөндөгү акча каражаттары беренеден беренеге

которулсун:

- Талас облусун өнүктүрүү фондунун каржылоосу менен “Талас жашыл чарба” муниципалдык ишканасына экскаватор сатып алуу долбоорунун өздүк салымына бөлүнгөн 600 000 сом акча каражатын 3111 беренесинен 3112 беренесине, Техникалык көзөмөлдөөчү кызматына бөлүнгөн 174 900 сом акча каражаты 3111 беренесинен 2215 беренесине, “Коопсуздук 2024” биргелешкен командалык-штабдык мобилизациялык машыгуусун өткөрүүгө бөлүнгөн 1 798 325 сом акча каражатынын 255 045 сому 2222 беренесине которулуп каржылансын.

- Депутаттардын Талас шаардык кенешинин 3112 беренесине бөлүнгөн 290 000 сом 2215 беренесине которулуп каржылансын.

5. Талас финансы башкармалыгына (Ж.М.Ниязалиев) жогоруда көрсөтүлгөн өзгөртүүлөрдү киргизип, өз убагында каржылоо жагы милдеттендирилсин.

6. Кабыл алынган токтомду Талас шаарынын мэриясынын сайтына жарыялоо жана Кыргыз Республикасынын укуктук-ченемдик актылардын мамлекеттик реестринен каттоодон өткөрүүнү көзөмөлгө алуу Талас шаардык кенешинин жооптуу катчысына (А.Сариева) тапшырылсын.

7. Токтомдун аткарылышына көзөмөлдүк кылуу Депутаттардын Талас шаардык кенешинин “Бюджет жана муниципалдык менчик башкаруу маселелери боюнча” туруктуу комиссиясынын төрагасына (У.Атагелдиев) жүктөлсүн.