КЫРГЫЗ РЕСПУБЛИКАСЫНЫН ШАЙЛОО ЖАНА РЕФЕРЕНДУМ ӨТКӨРҮҮ БОЮНЧА БОРБОРДУК КОМИССИЯСЫНЫН ТОКТОМУ

2023-жылдын 17-апрели № 36

2023-жылдын 9-апрелинде болуп өткөн Ош облусунун Алай районунун Кабылан-Көл айылдык кеңешинин депутаттарын шайлоо натыйжалары тууралуу Алай аймактык шайлоо комиссиясынын протоколу жөнүндө

2023-жылдын 9-апрелинде Кыргыз Республикасынын Президентинин 2023-жылдын 6-февралындагы № 19 Жарлыгы менен дайындалган Ош облусунун Алай районунун Кабылан-Көл айылдык кеңешинин депутаттарын шайлоо болуп өттү.

"Жергиликтүү кеңештердин депутаттарын шайлоо жөнүндө" Кыргыз Республикасынын Мыйзамынын 11-беренесине ылайык Ош облусунун Алай районунун Кабылан-Көл айылдык кеңешинин депутаттарын шайлоодо добуш берүүнү уюштуруу үчүн 2 шайлоо участогу ачылган.

"Жергиликтүү кеңештердин депутаттарын шайлоо жөнүндө" Кыргыз Республикасынын Мыйзамынын 10-беренесине ылайык 2 шайлоо округу түзүлгөн.

Кабылан-Көл айылдык кеңешинде депутаттык мандаттын саны - 11, анын ичинен 4 мандат аялдар үчүн резервге калтырылган. 21 талапкер катталган, анын ичинен 10 талапкер аялдар. 11 депутат шайланды, анын ичинен 5 депутат аялдар.

Шайлоочулардын тизмесине 1777 шайлоочу киргизилген. Добуш берүүгө жалпысынан 789 шайлоочу катышып, 44,40%ды түздү.

Алай аймактык шайлоо комиссиясы 2 участкалык шайлоо комиссиясынын добуш берүүнүн жыйынтыктары жөнүндө протоколдорунун негизинде Ош облусунун Алай районунун Кабылан-Көл айылдык кеңешинин депутаттарын шайлоодо добуш берүүнүн жыйынтыктарын белгилеп, шайлоо натыйжаларын аныктаган.

Ош облусунун Алай районунун Кабылан-Көл айылдык кеңешинин депутаттарын шайлоону даярдоо жана өткөрүү мезгилинде арыз жана даттануулар түшкөн жок.

"Кыргыз Республикасынын Шайлоо жана референдум өткөрүү боюнча борбордук комиссиясы жөнүндө" Кыргыз Республикасынын конституциялык Мыйзамынын 4-беренесинин 1-бөлүгүнүн 2, 27-пункттарына, "Жергиликтүү кеңештердин депутаттарын шайлоо жөнүндө" Кыргыз Республикасынын Мыйзамынын 37, 38, 40, 51, 59-1, 62-беренелерине ылайык, Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ:

1. Алай аймактык шайлоо комиссиясынын 2023-жылдын 12-апрелиндеги Кабылан-Көл айылдык кеңешинин депутаттарын шайлоо натыйжалары жөнүндө протоколу бекитилсин (тиркелет).

2. Бул токтом "Эркин-Тоо" газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

3. Бул токтомдун көчүрмөсү Алай аймактык шайлоо комиссиясына жана Кабылан-Көл айылдык кеңешине жиберилсин.

4. Алай аймактык шайлоо комиссиясы шайлоонун натыйжалары жарыялангандан кийин 3 күндүк мөөнөттө Кабылан-Көл айылдык кеңешинин шайланган депутаттарын каттасын жана аларга ырастамаларды, белгиленген үлгүдөгү төш белгилерди тапшырсын.

5. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары Т.У.Шайназаровго жүктөлсүн.

2023-жылдын 9-апрели КЫРГЫЗ РЕСПУБЛИКАСЫНЫН ЖЕРГИЛИКТҮҮ КЕҢЕШТЕРИНИН ДЕПУТАТТАРЫН ШАЙЛОО

Ош облусу, Алай району, Гүлчө айылы (облустун, райондун, аймактын аталышы)

Айылдык кеңешинин депутаттарын шайлоонун натыйжалары жөнүндө ПРОТОКОЛУ

Кабылан-Көл айылдык кеңешинин депутаттарын шайлоо натыйжаларын аныктоо

I. 2023-жылдын 9-апрелиндеги Кабылан-көл айылдык кеңешинин шайлоо болуп өттү деп табылсын (Добуш берүүнүн жыйынтыктары жөнүндө протоколдор жана жыйынды таблицалар тиркелет).

II. Кабылан-Көл айылдык кеңешинин депутаттарын шайлоо боюнча добуш берүүнүн жыйынтыктары белгиленди жана № 1, 2 таблицалар түрүндө сунушталат.

№ 1 таблица

8 мандаттуу № 1 Кабылан-Көл шайлоо округу боюнча

Участкалык шайлоо комиссиясы кабыл алган шайлоо бюллетендеринин саны - 1339.

Участкалык шайлоо комиссиясынын тизмесине киргизилген шайлоочулардын саны - 1324.

Жокко чыгарылган шайлоо бюллетендеринин саны - 720.

Шайлоо бюллетендерин алган шайлоочулардын саны - 619.

Жарактуу бюллетендердин саны - 612.

Жараксыз бюллетендердин саны - 7.