КЫРГЫЗ РЕСПУБЛИКАСЫНЫН ШАЙЛОО ЖАНА РЕФЕРЕНДУМ ӨТКӨРҮҮ БОЮНЧА БОРБОРДУК КОМИССИЯСЫНЫН ТОКТОМУ

2023-жылдын 17-апрели № 38

2023-жылдын 9-апрелинде болуп өткөн Ош облусунун Кара-Суу районунун Отуз-Адыр айылдык кеңешинин депутаттарын шайлоо натыйжалары тууралуу Кара-Суу аймактык шайлоо комиссиясынын протоколу жөнүндө

2023-жылдын 9-апрелинде Кыргыз Республикасынын Президентинин 2023-жылдын 6-февралындагы № 19 Жарлыгы менен дайындалган Ош облусунун Кара-Суу районунун Отуз-Адыр айылдык кеңешинин депутаттарын шайлоо болуп өттү.

"Жергиликтүү кеңештердин депутаттарын шайлоо жөнүндө" Кыргыз Республикасынын Мыйзамынын 11-беренесине ылайык Ош облусунун Кара-Суу районунун Отуз-Адыр айылдык кеңешинин депутаттарын шайлоодо добуш берүүнү уюштуруу үчүн 7 шайлоо участогу ачылган.

"Жергиликтүү кеңештердин депутаттарын шайлоо жөнүндө" Кыргыз Республикасынын Мыйзамынын 10-беренесине ылайык 3 шайлоо округу түзүлгөн.

Отуз-Адыр айылдык кеңешинде депутаттык мандаттын саны - 21, анын ичинен 8 мандат аялдар үчүн резервге калтырылган. 56 талапкер катталган, анын ичинен 22 талапкер аялдар. 21 депутат шайланды, анын ичинен 8 депутат аялдар.

Шайлоочулардын тизмесине 12273 шайлоочу киргизилген. Добуш берүүгө жалпысынан 4756 шайлоочу катышып, 38,75%ды түздү.

Кара-Суу аймактык шайлоо комиссиясы 7 участкалык шайлоо комиссиясынын добуш берүүнүн жыйынтыктары жөнүндө протоколдорунун негизинде Ош облусунун Кара-Суу районунун Отуз-Адыр айылдык кеңешинин депутаттарын шайлоодо добуш берүүнүн жыйынтыктарын белгилеп, шайлоо натыйжаларын аныктаган.

Ош облусунун Кара-Суу районунун Отуз-Адыр айылдык кеңешинин депутаттарын шайлоону даярдоо жана өткөрүү мезгилинде арыз жана даттануулар түшкөн жок.

"Кыргыз Республикасынын Шайлоо жана референдум өткөрүү боюнча борбордук комиссиясы жөнүндө" Кыргыз Республикасынын конституциялык Мыйзамынын 4-беренесинин 1-бөлүгүнүн 2, 27-пункттарына, "Жергиликтүү кеңештердин депутаттарын шайлоо жөнүндө" Кыргыз Республикасынын Мыйзамынын 37, 38, 40, 51, 59-1, 62-беренелерине ылайык, Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ:

1. Кара-Суу аймактык шайлоо комиссиясынын 2023-жылдын 12-апрелиндеги Отуз-Адыр айылдык кеңешинин депутаттарын шайлоо натыйжалары жөнүндө протоколу бекитилсин (тиркелет).

2. Бул токтом "Эркин-Тоо" газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

3. Бул токтомдун көчүрмөсү Кара-Суу аймактык шайлоо комиссиясына жана Отуз-Адыр айылдык кеңешине жиберилсин.

4. Кара-Суу аймактык шайлоо комиссиясы шайлоонун натыйжалары жарыялангандан кийин 3 күндүк мөөнөттө Отуз-Адыр айылдык кеңешинин шайланган депутаттарын каттасын жана аларга ырастамаларды, белгиленген үлгүдөгү төш белгилерди тапшырсын.

5. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары Т.У.Шайназаровго жүктөлсүн.

2023-жылдын 9-апрели КЫРГЫЗ РЕСПУБЛИКАСЫНЫН ЖЕРГИЛИКТҮҮ КЕҢЕШТЕРИНИН ДЕПУТАТТАРЫН ШАЙЛОО

Ош облусу, Кара-Суу району

Отуз-Адыр айылдык кеңешинин депутаттарын шайлоонун натыйжалары жөнүндө ПРОТОКОЛ

Отуз-Адыр айылдык кеңешинин депутаттарын шайлоо натыйжаларын аныктоо

I. 2023-жылдын 9-апрели Отуз-Адыр айылдык кеңешинин депутаттарын шайлоо болуп өттү деп табылсын (Добуш берүүнүн жыйынтыктары жөнүндө протоколдор жана жыйынды таблицалар тиркелет).

II. Отуз-Адыр айылдык кеңешинин депутаттарын шайлоо боюнча добуш берүүнүн жыйынтыктары белгиленди жана №1,2,3 таблица түрүндө сунушталат.

№ 1 таблица

№ 1 Борбордук шайлоо округу (№ 5184, № 5446 УШКлары, 9 мандат)

Участкалык шайлоо комиссиялары алган шайлоо бюллетендеринин саны - 5444.

Шайлоо участкаларында шайлоочулардын тизмесине киргизилген шайлоочулардын саны - 5455.

Жокко чыгарылган шайлоо бюллетендеринин саны - 3510.

Шайлоо бюллетендерин алган шайлоочулардын жалпы саны - 1934.

Жарактуу шайлоо бюллетендеринин саны - 1895.

Жараксыз шайлоо бюллетендеринин саны - 39.