КАТТА-ТАЛДЫК АЙЫЛДЫК КЕҢЕШИ

ТОКТОМ

Кара-Суу районунун Катта-Талдык айылдык кеңешинин кезектеги XIV сессиясынын (жетинчи чакырылышы)

2023-жылдын 3-февралы № 14/1

   Катта-Талдык айыл өкмөтүнүн 2023-жылга  бюджетин бекитүү жөнүндө

Катта-Талдык айыл өкмөтүнүн 2023-жылга бюджетин кабыл алуу боюнча айыл өкмөтүнүн финансы- экономикалык бөлүмүнүн башчысы-К.Кайназарованын докладын угуп жана аны талкуулап чыгып, сүйлөшкөн депутаттарын сын пикирлерин  угуп,  Катта-Талдык айылдык кеӊеши

                                                          ТОКТОМ КЫЛАТ

1.Катта-Талдык айыл өкмөтүнүн 2023-жылга бюджетинин кирешелер жана чыгашалар бөлүгү 30942,2 миӊ сом өлчөмүндө бекитилсин.

2. Айыл өкмөтүнүн 2022-жылга штаты жалпы 32 штаттык бирдик менен бекитилсин, анын ичинен 9 айыл башчы, ВУС-4 штаттык бирдик, кенже тейлөөдөгү кызматкер 3 штат.

3. Катта-Талдык айыл өкмөтүнүн 2023-жылга атайын каражат боюнча 5640,0 миӊ  сом өлчөмүндө киреше жана чыгаша бөлүгү бекитилсин.

4. Айыл өкмөтүнүн бюджетинин кирешелер жана чыгашалар бөлүгүнүн аткарылышын көзөмөлдөп, аны статьялар боюнча мыйзам чегинде сарпталуусун камсыздоо жагы айыл өкмөтүнүн башчысына жүктөлсүн жана 2023-жылга карата Катта-Талдык айыл өкмөтүнүн бюджетинин кирешелер жана чыгашалар бөлүктөрүнүн статьялар боюнча өзгөртүүлөргө жана толуктоолорго уруксат берилсин. 

5. Катта-Талдык айыл өкмөтүнүн 2023-жылга резервдик фонду 306,3 миӊ сом өлчөмүндө бекитилсин.

6. 2023-жылга карата Катта-Талдык айыл өкмөтүнүн бюджетинин кирешелер жана чыгашалар бөлүгүн мыйзам чегинде сарпталуусун көзөмөлдөө жагы Катта-Талдык айылдык кеӊешинин финансы жана бюджет боюнча туруктуу комиссиясына тапшырылсын