ЖЕРГЕ-ТАЛ АЙЫЛ АЙМАГЫНЫН АЙЫЛДЫК КЕҢЕШИ

ТОКТОМ 

Жерге-Тал айыл аймагынын айылдык кеңешинин XXVIII чакырылышынын XII кезексиз сессиясы

2024-жылдын 22-апрели  №12/2

Бириктирилген Жерге-Тал айыл аймагынын чек арасын аныктоо жөнүндө

Нарын облусунун Нарын районунун Жерге-Тал айыл аймагынын Кыргыз Республикасынын Министрлер Кабинетине караштуу Жер ресурстары, кадастр, геодезия жана картография боюнча мамлекеттик агенттигинин «Кыргызмамжердолбоор» мамлекеттик ишканасы тарабынан түзүлгөн Жерге-Тал айыл аймагынын административдик чек арасынын схематикалык картасын карап чыгып жана талкуулап Жерге-Тал айылдык  кеңеши төмөнкүдөй токтом кылат:

1. Жерге-Тал жана Казан-Куйган айыл аймактарын бириктирип, Жерге-Тал айылын административдик борбор деп аныктоо менен Жерге-Тал айыл аймагы түзүлгөндүгү белгиленсин.
2. Бириктирилген Жерге-Тал айыл аймагынын административдик чек арасынын  схематикалык картасы жана ага тиркелген чек ара баяндамасына Тянь-Шань районунун мамлекеттик администрациясынын башчысы-аким Т.Өмүралиевдин 2-октябрь 1992-жылдагы №682-б буйругунда белгиленген «Көр-Булак участкасындагы 760га жайыт 200га айдоо Жерге-Тал айыл аймагынын административдик чек арасынын схематикалык картасында көрсөтүлбөй калган 514га жайыт жер аянтын кайра карап, кошуп берүү жагы менен макулдук берилсин.
3. Бириктирилген Жерге-Тал айыл аймагынын административдик чек арасынын схематикалык картасы жана ага тиркелген чек ара боюнча экинчи пункту эске алуу менен баяндамасына макулдук берилсин.
4. Кабыл алынган чечимдер боюнча тиешелүү документтердин топтомун белгиленген тартипте райондук мамлекеттик администрацияга даярдап берүү жагы айыл өкмөт башчысы Т.Сыдыкбековго милдеттендирилсин.
5. Ушул токтом каттоодон өткөрүлүп, https://zhergetal.gov.kg/ веб-сайтына жарыялансын жана Кыргыз Республикасынын ченемдик укуктук актыларынын мамлекеттик реестрине киргизүү үчүн Нарын облусунун юстиция башкармалыгына жөнөтүлсүн. 
6. Бул токтомдун аткарылышын көзөмөлдөө жагын өзүмө калтырамын.