Барскоон айыл аймагынын жергиликтүү кеңешинин ХXVIII-чакырылышынын II-кезексиз сессиясы

2024-жылдын   23-июлу № 41                                       

Барскоон айыл аймагында муниципалдык ишкана түзүү жөнүндө

Кыргыз Республикасынын Министрлер Кабинетинин 2024-жылдын    7-февралындагы №52 "Пилоттук режимде административдик-аймактык реформа жүргүзүү мезгилинде Кыргыз Республикасынын жергиликтүү ѳз алдынча башкаруусунун аткаруу органдарынын ишин уюштуруу жөнүндө" токтомундагы 1-тиркемесинин, 2-главасындагы 4-бѳлүмүн жана Барскоон айыл өкмөтүнүн башчысы А.Т.Асанбаев Административдик-аймактык реформанын негизинде бириктирилген айыл аймактардын, жайытка тиешелүү маселелерин, калкты ичүүчү таза жана сугат суу менен камсыздоо, таштандыларды чыгаруу, элдин жазгы айдап, себүү иштери жана башка  маселелерин чечүү үчүн муниципалдык ишкана түзүү зарылдыгы келип чыкандыгы тууралуу маалыматын угуу менен жергиликтүү кеңештин депутаттары талкуулап,  токтом кылат:

1. Барскоон айыл аймагынын айыл өкмөтүнүн алдында “Барскоон-Сервис” муниципалдык ишканасы, Тамга-Суу” муниципалдык ишканасы, “Ак-Түз Тазалык муниципалдык ишканасы, Таарылга-Булак”, ИСКАКБси “Токсо-Булак” ИСКАКБси, “Махмуд-Кашкари” муниципалдык ишканасы, “Иштерман ТТ” муниципалдык ишканасы, “Аракет-плюс” муниципалдык ишканасы, “Сары-Тѳр” суу пайдалануучулар ассоциациясы, Барскоон, Тамга айылдарынын жайыт пайдалануучулар бирикмелеринин бириктирүү жолу менен “Барскоон-Сервис” муниципалдык ишканасын түзүүгө макулдук берилсин.

2. 1-тиркемеге ылайык жаңыдан түзүлүп жаткан “Барскоон-Сервис” муниципалдык ишканасынын Уставы бекитилсин.

3. Токтомду аткарууга алуу жана жаңы түзүлгөн муниципалдык ишкананы уюштурууда, уставын бекитип, катоодон өткөрүү Кыргыз Республикасынын мыйзамдарынын талаптарын аткарылышын камсыз кылуу жагы Барскоон айыл өкмөтүнүн башчысы А.Т.Асанбаевге милдеттендирилсин.

4.Токтомдун аткарылышын козөмөлдөө жагын өзүмө калтырамын.

Төрага                                                                                   М.Ибаков

 _____________________________________________________________

№1 тиркеме

Барскоон айыл аймагынын

жергиликтүү кеңешинин

2024-жылдын 23-июлундагы

№41 токтому менен бекитилди

«БАРСКООН СЕРВИС»

Муниципалдык ишкананын Уставы

1. Жалпы жоболор

2. Ишкананын максаттары, милдеттери жана функциялары

3. Ишкананын укуктары, милдеттери жана жоопкерчиликтери

4. Ишкананы башкаруу

5. Менчик ишканалар жана финансы

6. Ишкананы эсепке алуу, пландаштыруу жана отчеттуулук

7. Ишкананы кайра уюштуруу жана жоюу

1. Жалпы жоболор

1.1. Бул Устав Кыргыз Республикасынын мыйзамдарына ылайык иштелип чыккан жана муниципалдык ишкананын (мындан ары - Ишкана) ишин жөнгө салат.

1.2. Ишкана Кыргыз Республикасынын мыйзамдарына ылайык түзүлгөн.

1.3. Ишкана өз ишинде Кыргыз Республикасынын Конституциясын, мыйзамдарын, башка ченемдик укуктук актыларын, Барскоон айылдык кеңештин ченемдик укуктук актыларын, Барскоон айыл өкмөтүнүн жоболорун, ошондой эле ушул Уставды жетекчиликке алат.

1.4.   Ишкананын уюштуруу документи болуп Устав эсептелет.

1.5. Ишкананын уюштуруучусу болуп Барскоон айыл өкмөтү саналат. Ишкана Барскоон айыл өкмөтүнө түздөн-түз баш ийет.

1.6. Ишкананын толук аталышы:

- мамлекеттик тилде: “Барскоон Сервис” муниципалдык ишканасы;

- расмий тилде: Муниципальное предприятие  “Барскоон сервис”.

Ишкананын кыскартылган аталышы:

- мамлекеттик тилде: “Барскоон Сервис” МИ;

- расмий тилде: МП "Барскоон Сервис".

1.7. Ишкананын юридикалык дареги: Кыргыз Республикасы, Ысык-Көл облусу, Жети-Огүз району, Барскоон айыл аймагы, Барскоон айылы,   К.Исмаилов көчөсү,

1.8. Ишкана – чарба жүргүзүү укугуна негизделген ишкананын (коммерциялык уюмдун) уюштуруу-укуктук формасында иштеген өз алдынча юридикалык жак.

1.9. Ишкана Кыргыз Республикасынын юстиция органдарында мамлекеттик каттоодон өткөн учурдан тартып юридикалык жактын укуктарына ээ болот.

1.10. Ишкана Кыргыз Республикасынын банктарында белгиленген тартипте күндөлүк эсептерди, анын ичинде чет өлкө валютасын ачууга укуктуу.

1.11.. Ишкана мамлекеттик жана расмий тилдерде өзүнүн аталышы жазылган мөөрү, штамптары, бланктары жана башка буюмдары болот.

1.12. Ушул Уставда жөнгө салынбаган маселелер Кыргыз Республикасынын мыйзамдарына ылайык жөнгө салынат.

1.13. Эгерде ушул Уставдын мазмуну Кыргыз Республикасынын мыйзамдарынын ченемдерине карама-каршы келсе, Кыргыз Республикасынын мыйзамдарынын ченемдери колдонулат.

2. Ишкананын максаттары, милдеттери жана функциялары

2.1. Ишкананын негизги максаты калктын жана жергиликтүү өз алдынча башкаруу органдарынын жергиликтүү маанидеги чарбалык маселелерди натыйжалуу жана эффективдүү чечүүдө жана мамлекеттик кызматтарды көрсөтүүдө керектөөлөрүн канааттандыруу болуп саналат.

2.2. Алдыга коюлган максаттын негизинде Кыргыз Республикасынын мыйзамдарында жана ушул Уставда белгиленген тартипте коммуналдык, мамлекеттик (мамлекеттик) кызматтарды көрсөтүү, ошондой эле киреше алуу Ишкананын негизги милдеттери болуп саналат.

2.3. Алдыга коюлган милдеттерди ишке ашыруу үчүн ишкана жыл сайын бекитилүүчү өндүрүштүк планга (иштердин көлөмүнө) ылайык өзүн өзү каржылайт жана жергиликтүү бюджеттин каражаттарынын эсебинен төмөндөгү функцияларды аткарат:

1) Барскоон айыл аймагындагы айылдарды айыл чарба техникасы жана атайын техникалар  менен кызмат көрсөтүү.

2) Барскоон айыл аймагындагы айылдарды санитардык тазалоо боюнча мамлекеттик кызмат көрсөтүүлөр (муниципалдык көчөлөр, коомдук жайлар ж.б.);

3) коомдук жайларды жакшыртуу (оюн аянтчаларын, эс алуу аянтчаларын, парк ж.б. орнотуу жана тейлөө), Барскоон айыл аймагындагы айылдарды сугат суу менен камсыз кылуу, Барскоон айыл аймагындагы айылдардын ирригациялык системасын тазалоо жана тейлөө. ;

4) Барскоон айыл аймагын жашылдандыруу, бак-дарактарды, бадалдарды отургузуу, аларды санитардык жактан актоо, кайра иштетүү, гүлдөрдү жана башка жашыл аянтчаларды отургузуу;

5) жашыл аянтчаларды (дарактар, бадалдар, тосмолор, ) талаптагыдай багуу жана  сугаруу;

6) бак-дарактарды санитардык кыюу (авариялык, куураган, ооруган жана бузулган дарактарды жок кылуу);

8) отургучтарды, таштанды челектерин,  металл тосмолорун, көпүрөлөрдү, тосмолорду, коомдук  жана башка муниципалдык менчикти (коомдук жерлерде жайгашкан) орнотуу, сырдоо, тейлөө жана оңдоо;

9) жергиликтүү маанидеги тарых жана маданият эстеликтерин  күтүү;

11) жасалгалоо, майрамдык иш-чараларды, маанилүү даталарды даярдоо: баннерлерди илип коюу, жайгаштыруу, сактоо ж.б.;

12) транспорттук бөлүштүрүүнү камсыз кылуу, аз камсыз болгон үй-бүлөлөргө, турмуштук оор кырдаалда турган адамдарга материалдык жардам көрсөтүү (көмүр, тамак-аш ж.б.);