КАНЫШ-КЫЯ АЙЫЛДЫК КЕҢЕШИ

ТОКТОМ

Каныш-Кыя айылдык кеңешинин VII чакырылышынын кезектеги XXVII сессиясы

2023-жылдын 27-апрели № 1

Карагай көчөттөрдү темир тосмолор менен тосуу жөнүндө

Каныш-Кыя айыл өкмөтүнүн башчысы Б.Исабековдун 27.04.2023-жылдын №01-19/322 чыгыш сандуу 1-пунктунда Каныш-Кыя айылындагы Калпанын токойуна тигилүүчү карагай көчөттөрдү темир тосмолор менен тосууга акча каражатын которуп берүүсү жөнүндө кайрылуусун карап жана талкуулап Каныш-Кыя айылдык кеңешинин VII чакырылышынын кезектеги XXVII сессиясы токтом кылат :

1. Каныш-Кыя айыл өкмөтүнүн башчысы Б.Исабековдун 27.04.2023-жылдын №01-19/322 чыгыш сандуу кайрылуусунун 1-пункту эске алынсын.

2. Кыргыз Республикасынын президенти С.Н.Жапаровдун “Жашыл мурас” алкагында тапшырмасын аткаруу максатында Каныш-Кыя айылындагы Калпанын токойуна тигилүүчү карагай көчөттөрүн темир тосмолор менен тосууга даярдалган долбоор сметасынын негизинде жалпысынан 1 735 394 (бир миллион жети жүз отуз беш миң үч жүз токсон төрт) сом акча каражатын активдер жана милдеттемелер беренесинен жылдырылып берилсин.

3. Бул токтом Кыргыз Республикасынын “Кыргыз Республикасынын ченемдик укуктук актылары жөнүндө” Мыйзамына ылайык Чаткал райондук мамлекеттик администрациясынын расмий www.chatkal.kg маалымат сайтына жарыяланган күндөн тартып күчүнө кирет.

4. Бул токтомду расмий жарыялоо жана Кыргыз Республикасынын ченемдик укуктук актыларынын мамлекеттик реестрине киргизүү жагы Каныш-Кыя айылдык кеңешинин жооптуу катчысына милдеттендирилсин.

5. Бул токтомдун аткарылышын камсыз кылуу жагы Каныш-Кыя айыл өкмөтүнүн башчысы Б.Исабековго милдеттендирилсин.