КРАСНЫЙ ВОСТОК АЙЫЛДЫК КЕҢЕШИ

ТОКТОМ

2022-жылдын 14-октябрындагы № 11/4

Мүлк салыгын киргизүү жөнүндө

Кыргыз Республикасынын Салык Кодексинин 404-беренесинин 4 жана 5-бөлүктөрүнүн, 37-беренесинин 3-бөлүгүнүн жоболоруна ылайык, жана ошондой эле 2022-жылдын 18-январындагы «Кыргыз Республикасынын Салык кодексин колдонууга киргизүү жөнүндө» № 4 Мыйзамынын 2-беренесинин 3-бөлүгүнүн негизинде, Красновосточный айылдык Кеңешинин сессиясы:

ТОКТОМ кылат:

1. Красновосточный айыл аймагына 2023-жылдын 1-январынан тартып салыктын төмөнкү түрлөрүнө мүлк салыгы киргизилсин:

- айыл чарба жерлерине салык;

- турак жайга, жайга жана курулушка салык;

- турак эмес имаратка, жайга жана курулмага салык;

- айыл чарба багытындагы эмес жерлерге салык;

- транспорт каражаттарына салык;

- калктуу конуштардын жерлерине салык.

2. Красновосточный айыл өкмөтүнүн жооптуу катчысынын милдетин аткаруучу (М.А.Токчулуков) бул токтомду айыл өкмөтүнүн сайтына жайгаштырсын жана жалпыга маалымдоо каражаттарына жарыяласын, ошондой эле Кыргыз Республикасынын Чүй-Бишкек юстиция башкармалыгына каттоодон өткөрүү үчүн жана Кыргыз Республикасынын ченемдик укуктук актыларынын мамлекеттик реестрине киргизүү үчүн жөнөтсүн.

3. Бул токтомдун аткарылышын көзөмөлдөө Красновосточный айыл өкмөтүнүн каржы-экономика бөлүмүнүн башчысы А.Т.Кадыралиевага жүктөлсүн.

Жөнөтүлсүн: иш кагаздар тиркемесине, Чүй-Бишкек юстиция башкармалыгына